________________ 918 अंग-पविट्ट सुत्ताणि एवं एथवि दस उद्देसगा णिरवसेसं आलुयवग्गसरिसा। पंचमो वग्गो समतो। // 23.5 // एवं एत्थ पंचसुवि वग्गेसु पण्णासं उद्देसगा भाणियन्वा, सव्वत्थ देवा ण उववज्जति, तिणि लेस्साओ। सेवं भंते ! 2 त्ति // 66 // तेवीसइमं सयं समत्तं // चउवीसइमं सयं पढमो उद्देसो / उववायपरीमाणं संघयणुच्चत्तमेव संठाणं / लेस्सा दिट्ठी गाणे अण्णाणे जोग उवओगे // 1 // सण्णाकसायइंदियसमग्घाया वेयणा य वेए य / आउं अज्झवसाणा अणुबंधो कायसंवेहो // 2 // जीवपए जीवपए जीवाणं दंडगमि उद्देसो / चउवीसइममि सए चउव्वीसं होंति उद्देसा // 3 // रायगिहे जाव एवं वयासी-णेरइया णं भंते ! कओहितो उववज्जति, किणेरइएहितो उववज्जति, तिरिक्खजोणिएहितो उववज्जंति,मणुस्सेहितो उववज्जति,देवेहितो उववज्जति? गोयमा ! णो मेरइएहितो उववज्जति, तिरिक्खजोणिएहितो उववज्जति, मणुस्सेहितोवि उववज्जति, णो देवेहितो उववज्जति / जइ तिरिक्खजोणिएहितो उववज्जति किं एगिदियतिरिक्ख जोणिएहितो उववज्जति, बेइंदियतिरिक्खजोणिएहितो० तेइंदियतिरिक्खजोणिएहितो. चरिदियतिरिक्खजोणिएहितो० पंचिदियतिरिवखजोणिएहितो उववज्जति ? गोयमा! णो एगिदियतिरिक्ख. जोणिएहितो उववज्जंति, णो बेइंदिय० णो तेइंदिय० णो चरिदिय० पाँचदिय. तिरिक्खजोणिएहितो उववति / जइ पंचिदियतिरिक्ख जोणिएहितो उववज्जति किं सण्णिपंचिदियतिरिक्खजोणिएहितो उववज्जंति, असण्णिचिदियतिरिक्खजोणिएहितो उववज्जति ? गोयमा ! सणिपंचिदियतिरिक्खजोणिएहितो उववज्जति असण्णिपंचिदियतिरिक्खजोणिएहितोवि उववज्जति / जइ असण्णिपंचिदियतिरिक्खजोणिएहितो उववज्जति कि जलचरेहितो उववज्जति थलचरेहितो उववज्जति खहचरेहितो उववज्जति ? गोयमा ! जलचरेहितो उववज्जति, थलचरेहितोवि उववज्जति, खहचरेहितोवि उववज्जति / जइ जलचर-थलचर-खहचरेहितो उववज्जति कि पज्जत्तएहितो ज्ववज्जति अपज्जत्तएहितो उववज्जति ? गोयमा ! पज्जत्तएहितो उववज्जति णो अप. ज्जत्तएहितो उववज्जति / पज्जत्ताअसणिपंचिदियतिरिक्खजोणिए णं भंते ! जे भविए णेरइएसु उववज्जित्तए से गं भंते ! कइसु पुढवीसु उववज्जेज्जा ?
