________________ अंग-पविट्ठ सुत्ताणि वा 2 अभिकंखेज्जा वत्थं आयावेत्तए वा पयावेत्तए वा तहप्पगारं वत्थं थूणसि वा गिहेलुगंसि वा उसुयालंसि वा कामजलंसि वा अण्णयरे वा. तहप्पगारे अंतलिक्खजाए दुब्बद्धे दुण्णिक्खित्ते अणिकंपे चलाचले णो आयावेज वा पयावेज वा // 833 // से भिक्खू वा अभिकंखेज्जा वत्थं आयावेत्तए पयावेत्तए वा तहप्पगारं वत्थं कुलियंसि वा भित्तिसि वा सिलंसि वा लुंसि वा अण्णयरे वा तहप्पगारे अंतलिक्खजाए जाव णो आयावेज वा पयावेज वा / / 834 / / से भिक्खू वा 2 अभिकंखेज्जा वत्थं आयावेत्तए पयावेत्तए वा तहप्पगारे वत्थे खंधंसि वा मंचंसिमालंसि-पासायंसि-हम्मियतलंसि वा अण्णयरे वा तहप्पगारे अंतलिक्खजाए जाव जो आयावेज्ज वा पयावेज्ज वा / / 835 // से तमायाय एगंतमवक्कमेज्जा 2 अहे ज्झामथंडिलंसि वा जाव अण्णयरंसि वा तहप्पगारंसि थंडिलसि पडिलेहिय 2 पमज्जिय 2 तओ संजयामेव वत्थं आयावेज्ज वा पयावेज्ज वा // 836 // एयं खलु तस्स भिक्खुस्स भिक्खुगीए वा सामग्गियं सया जइज्जासि त्ति बेमि // 837 / / वत्थेसणाज्झयणे पढमोद्देसो समत्तो / / से भिक्खू वा भिक्खुणी वा, अहेसणिजाई वत्थाई जाएज्जा, अहापरिग्गहियाई वत्थाई धारेजा, णो धोएज्जा, णो रएज्जा, णो धोयरत्ताई वत्थाई धारेजा अपलिउंचमाणे गामंतरेसु ओमचेलिए, एयं खलु वत्थधारिस्स सामग्गियं // 838 // से भिक्खू वा 2 गाहावइ कुलं पिंडवायपडियाए पविसिउकामे सव्वं चीवरमायाए गाहावइकुलं पिंडवायपडियाए णिक्खमेज वा पविसेज वा, एवं बहिया वियारभूमि विहारभूमि वा गामाणुगामं वा दूइजेज्जा / अह पुण एवं जाणिज्जा तिबदेसियं वा वासं वासमाणं पेहाए जहा पिंडेसणाए णवरं सव्वं चीवरमायाए // 839 / / से भिक्खू वा 2 एगइओ मुहुत्तगं 2 पाडिहारियं बीयं वत्थं जाएगा, जाव एगाहेण वा दुयाहेण वा तिया-चउ-पंचाहेण वा विप्पवसिय 2 उवागच्छेज्जा, तहप्पगारं वत्यं णो अप्पणा गिण्हेजा, जो अण्णमण्णस्स देजा, जो पामिचं कुब्जा, णो वत्थेण वत्थपरिणामं करेजा, णो परं उवसंकमित्ता एवं वएज्जा “आउसंतो समणा ! अभिकंखसि वत्थं धारेत्तए परिहरित्तए वा" थिरं वा णं संतं णो पलिच्छिदिय 2 परिद्ववेज्जा, तहप्पगारं ससंधियं वत्थं तस्स चेव णिसिरेजा, णो अत्ताणं साइले जा // 840 // से एगइओ तहप्पगारं णिग्धोसं सोचा णिसम्म जे भयंतारो तहप्पगाराणि
