________________ आयारो सु. 2 अ. 5 उ.१ 77 णो बिइय, जा णिग्गंथी सा चत्तारि संघाडीओ धारेजा, एग दुहत्थवित्थारं, दो तिहत्यवित्थाराओ, एगं चउहत्थवित्थारं, एएहिं वत्थेहिं असंधिज्जमाणेहिं अह पच्छा एगमेगं संसीविज्जा / / 809 // से भिक्खू वा 2 परं अद्धजोयणमेराए वत्थपडियाए णो अभिसंधारेजा गमणाए // 810 // से भिक्खू वा 2 से जं पुण वत्थ जाणिज्जा अत्सिरडियाए एगं साहम्मियं समुहिस्स पाणाई जहा पिंडेसणाए // 811 // एवं बहवे साहम्मिया, एगं साहम्मिणिं, बहवे साहम्मिणीओ, बहवे समणमाहणा, तहेव पुरिसंतरकडं जहा पिंडेसणाए // 812 / / से भिक्खू वा 2 से जं पुण वत्थं जाणिज्जा, असंजए भिक्खुपडियाए कीयं वा धोयं वा रत्तं वा घटुं वा मढे वा संसर्ट वा संपधूमियं वा तहप्पगारं वत्यं अपुरिसंतरकडं जाव णो पडिगाहेजा, अह पुण एवं जाणिज्जा पुरिसंतरकडं जाव पडिगाहेज्जा / / 813 / / से भिक्खू वा 2 से जाइं पुण वत्थाई जाणिज्जा, विरूवरूवाई महद्धणमोल्लाइं तंजहा-आइणगाणि वा, सहिणाणि वा, सहिणकल्लाणाणि वा, आयाणि वा, कायकाणि वा, खोमियाणि वा, दुगुल्लाणि वा, पट्टाणि वा, मलयाणि वा, पत्तुण्णाणि वा, अंसुयाणि वा, चिणंसुयाणि वा, देसरागाणि वा, अमिलाणि वा, गजलाणि वा, फालियाणि वा, कयहाणि वा, कंबलगाणि वा, पावरणाणि वा, अण्णयराणि वा तहप्पगाराई वत्थाई महद्धणमोल्लाई लाभे संते णो पडिगाहिज्जा // 814 // से भिक्खू वा 2 से जाइं पुण आईणपाउरणाणि वत्थाणि जाणिज्जा, तंजहा–उहाणि वा पेसाणि वा, पेसलाणि वा किण्हमिगाईणगाणि वा णीलमिगाईणगाणि वा गोरमिगाईण. गाणि वा कणगाणि वा कणगकंताणि वा कणगपट्टाणि वा कणगखइयाणि वा कणग. फुसियाणि वा वग्घाणि वा विवग्याणि वा आभरणाणि वा आभरणविचित्ताणि वा अण्णयराणि वा तहप्पगाराणि आईणपाउरणाणि वत्थाणि लाभे संते णो पडिगाहिज्जा // 815 / / इच्चेयाई आययणाई उवाइकम्म अह भिक्खू जाणिज्जा, चउहिं पडिमाहिं वत्थं एसित्तए // 816 // तत्थ खलु इमा पढमा पडिमा-से भिक्खू वा 2 उद्दिसिय 2 वत्थं जाएज्जा, तंजहा-जंगियं वा भंगियं वा साणयं वा पोत्तय वा खोमियं वा तूलकडं वा तहप्पगारं वत्थं सयं वा णं जाएजा परो वा णं देज्जा, फासुयं एसणीय लाभे संते पडिगाहिज्जा, पढमा पडिमा // 817 // अहावरा दोच्चा पडिमा से भिक्खू वा 2 पेहाए 2 वत्थं जाएज्जा, तंजहा—गाहावई
