________________ 874 अंग-पविट्ठ सुत्ताणि अण्णउस्थिए एवं वयासी-णो खलु अज्जो ! अम्हे रीयं रीयमाणा पाणे पेच्चेमो, जाव उद्दवेमो, अम्हे गं अज्जो ! रीयं रीयमाणा कायं च जोयं च रीयं च पड़च्च दिस्सा 2 पदिस्सा 2 वयामो, तए णं अम्हे दिस्सा-दिस्सा वयमाणा पदिस्सा 2 वयमाणा णो पाणे पेच्चेमो जाव णो उद्दवेमो, तए णं अम्हे पाणे अपेच्चेमाणा जाव अणोद्दवेमाणा तिविहं तिविहेणं जाव एगंतपंडिया यावि भवामो। तुब्भे गं अज्जो ! अप्पणा चेव तिविहं तिविहेणं जाव एगंतबाला यावि भवह / तए णं ते अण्णउत्थिया भगवं गोयम एवं वयासी-केणं कारणेणं अज्जो ! अम्हे तिविहं तिविहेणं जाव भवामो ? तए णं भगवं गोयमे ते अण्णउत्थिए एवं वयासीतुब्भे णं अज्जो ! रीयं रीयमाणा पाणे पेच्चेह जाव उद्दवेह, तए णं तुब्भे पाणे पेच्चेमाणा जाव उद्दवेमाणा तिविहं जाव एगंतबाला यावि भवह / तए णं भगवं गोयमे ते अण्णउत्थिए एवं पडिहणइ एवं पडिहणित्ता जेणेव समणे भगवं महावीरे तेणेव उवागच्छइ 2 ता समणं भगवं महावीरं वंदइ णमंसइ वंदित्ता णमंसित्ता णच्चासण्णे जाव पज्जुवासइ / गोयमाई ! समणे भगवं महावीरे भगवं गोयमं एवं वयासी-सुठ्ठ णं तुमं गोयमा ! ते अण्णउत्थिए एवं वयासी, साहु णं तुम गोयमा ! ते अण्णउत्थिए एवं वयासी, अस्थि णं गोयमा ! ममं बहवे अंतेवासी समणा णिग्गंथा छ उमत्था जे णं णो पभू एयं वागरणं वागरेत्तए जहा गं तुम. तं सुठ्ठ णं तुमं गोयमा ! ते अण्णउत्थिए एवं वयासी, साहु णं तुमं गोयमा ! ते अण्णउत्थिए एवं वयासी // 636 // तए णं भगवं गोयमे समणेणं भगवया महावीरेणं एवं वुत्ते समाणे हट्टतुट्ठ० समणं भगवं महावीरं वंदइ णमंसइ वं० 2 ता एवं वयासी-छउमत्थे गं भंते ! मणुस्से परमाणुपोग्गलं किं जाणइ पासइ उदाहु ण जाणइ ण पासई ? गोयमा ! अत्थेगइए जाणइ ण पासइ, अत्थेगइए ण जाणइ ण पासइ / छउमत्थे णं भंते ! मणूसे दुपएसियं खंधं कि जाणइ पासइ ? एवं चेव, एवं जाव असंखेज्जपएसियं। छउमत्थे णं भंते ! मणूसे अणंतपएसियं खधं कि पुच्छा, गोयमा ! अत्थेगइए जाणइ पासइ 1, अत्थेगइए जाणइ ण पासइ 2, अत्थेगइए ण जाणइ पासइ 3, अत्थेगइए ण जाणइ ण पासइ 4 / आहोहिए ण भंते ! मणुस्से परमाणु. पोग्गलं० जहा छ उमत्थे एवं आहोहिएवि जाव अणंतपएसियं / परमाहोहिए णं भंते ! मणसे परमाणुपोग्गलं ज समयं जाणइ तं समयं पासइ, जं समयं पासइ तं समयं जाणइ ? णो इणठे समझें / से केण?णं भंते ! एवं वुच्चइ-परमाहो.
