________________ भगवई स. 18 उ.८ 873 सयसहस्सेणं खवयंति, मज्झिमगेवेज्जगा देवा अणते कम्मसे दोहिं वाससयसहस्सेहि खवयंति, स्वरिमगेवेज्जगा देवा अणंते कम्मसे तिहि वाससयसहस्सेहि खवयंति, विजयवेजयंतजयंतअपराजियगा देवा अणंते कम्मंसे चहि वाससय. सहस्सेहि खवयंति, सव्वदसिद्धगा देवा अणंते कम्मसे पंचहि वाससयसहस्सेहि खवयंति, एएणं गोयमा ! ते देवा जे अणंते कम्मसे जहणणं एक्के वा दोहि वा तिहि वा उक्कोसेणं पंचहि वाससएहि खवयंति, एएणं गोयमा ! ते देवा जाव पंचहि वाससहस्सेहि खवयंति, एएणठेणं गोयमा ! ते देवा जाव पंचहि वाससयसहस्सेहि खवयंति / सेवं भंते ! सेवं भंते ! त्ति // 637 // - अट्ठारस सयं अट्ठमो उद्देसो रायगिहे जाव एवं वयासी-अणगारस्स णं भंते ! भावियप्पणो पुरओ दुहओ जुगमायाए पेहाए रीयं रीयमाणस्स पायस्स अहे कुक्कुडपोए वा वट्टा. पोए वा कुलिंगच्छाए वा परियावज्जेज्जा, तस्स णं भंते ! कि इरियावहिया किरिया कज्जइ, संपराइया किरिया कज्जइ ? गोयमा ! अणगारस्स णं भावियप्पणो जाव तस्स गं इरियावहिया किरिया कज्जइ, णो संपराइया किरिया कज्जइ / से केणठेणं भंते ! एवं वुच्चइ०?जहा सत्तमसए संवुडुद्देसए जाव अट्ठो णिविखत्तो / सेवं भंते ! सेवं भंते ! ति जाव विहरइ / तए णं समणे भगवं महावीरे बहिया जाव विहरइ // 638 // तेणं कालेणं तेणं समएणं रायगिहे जाव पुढविसिलापट्टए, तस्स गं गणसिलस्स चेइयस्स अदूरसामंते बहवे अण्णउत्थिया परिवसंति, तए णं समणे. भगवं महावीरे जाव समोसढे जाव परिसा पडिगया। तेणं कालेणं तेणं समएणं समणस्स भगवओ महावीरस्स जेठे अंतेवासी इंदभई णामं अणगारे जाव उड्ढं जाणू जाव विहरइ / तए णं ते अण्ण. उत्थिया जेणेव भगवं गोयमे तेणेव उवागच्छंति उवागच्छइत्ता भगवं गोयम एवं वयासी-तुब्भे गं अज्जो ! तिविहं तिविहेणं असंजय जाव एगंतबाला यावि भवह। तए णं भगवं गोयमे ते अण्णउत्थिए एवं वयासी-से केणं कारणेणं अज्जो ! अम्हे तिविहं तिविहेणं असंजय जाव एगंतबाला यावि भवामो ? तए णं ते अण्णउत्थिया भगवं गोयम एवं वयासी-तुब्भे गं अज्जो! रीयं रीयमाणा पाणे पेच्चेह अभिहणह जाव उवद्दवेह, तए णं तुम्भे पाणे पेच्चेमाणा जाव उद्दवे. माणा तिविहं तिविहेणं जाव एगंतबाला यावि भवह / तए णं भगवं गोयमे ते
