________________ भगवई स. 18 उ. 4 865 जीवदवा य अजीवदव्वा य जीवाणं परिभोगत्ताए हव्वमागच्छंति ? गोयमा ! पाणाइवाए-जाव एए गं दुविहा जीवदव्वा य अजीवदव्वा य अत्थेगइया जीवाणं परिभोगत्ताए हव्वमागच्छंति, अत्थेगइया जीवाणं जाव णो हव्वमागच्छति / से केणट्ठणं भंते ! एवं वुच्चइ-पाणाइवाए जाव णो हव्वमागच्छंति ? गोयमा! पाणाइवाए जाव मिच्छादसणसल्ले, पुढविकाइए जाव वणस्सइकाइए, सव्वे य बायरबोंदिधरा कलेवरा एए णं दुविहा जीवदव्वा य अजीवदव्वा य जीवाणं परिभोगत्ताए हन्वमागच्छंति, पाणाइवायवेरमणे जाव मिच्छादसणसल्लविवेगे, धम्मत्थिकाए अधम्मत्थिकाए जाव परमाणुपोग्गले सेलेसि पडिवण्णए अणगारे एए णं दुविहा जीवदव्वा य अजीवदव्वा य जीवाणं परिभोगत्ताए णो हव्वमा. गच्छंति, से तेणठेणे जाव णो हव्वमागच्छंति // 622 // कइ गं भंते ! कसाया पण्णत्ता ? गोयमा ! चत्तारि कसाया प०, तं०-कसायपयं गिरवसेसं भाणियव्वं जाव णिज्जरिस्संति लोभेणं / कइ णं भंते ! जम्मा पण्णता? गोयमा ! चतारि जुम्मा पण्णत्ता, तं०-कडजम्मे तेओगे दावरजुम्मे कलिओगे। से केणट्ठणं भंते ! एवं वुच्चइ जाव कलिओगे ? गोयमा ! जे णं रासी चउक्कएणं अवहारेणं अवहीरमाणे चउपज्जवसिए सेत्तं कडजुम्मे, जे णं रासी च उक्कएणं अवहारेणं अव. हीरमाणे तिपज्जवसिए सेत्तं तेओगे, जे णं रासी चउक्कएणं अवहारेणं अवहीर. माणे दुपज्जवसिए सेत्तं दावरजुम्मे, जे णं रासी चउक्कएणं अवहारेणं अवहीरमाणे एगपज्जवसिए.सेत्तं कलिओगे, से तेणठेणं गोयमा ! एवं वुच्चइ जाव कलिओगे / रइयाणं भंते ! किं कडजुम्मा, तेओगा, दावरजुम्मा, कलिओगा? गोयमा ! जहण्णपए कडजुम्मा, उक्कोसपए तेओगा, अजहण्णमणुक्कोसपए सिय कडजुम्मा जाव सिय कलिओगा, एवं जाव थणियकुमारा / वणस्सइकाइयाणं पुच्छा, गोयमा ! जहण्णपए अपया उक्कोसपए य अपया अजहण्ण. मणुक्कोसपए सिय कडजुम्मा जाब सिय कलिओगा / बेइंदियाणं पुच्छा, गोयमा ! जहण्णपए कडजुम्मा, उक्कोसपए दावरजुम्मा, अजहण्णमणुक्कोस. पए सिय कडजम्मा जाव सिय कलिओगा, एवं जाव चरिदिया, सेसा एगि. दिया जहा बेइंदिया, पंचिदियतिरिक्खजोणिया जाव वेमाणिया जहा णेरइया 'सिद्धा जहा वणस्सइकाइया / इत्थीओ णं भंते ! कि कडजुम्माओ• पुच्छा, ' गोयमा ! जहण्णपए कडजुम्माओ, उक्कोसपए कडजुम्माओ, अजहण्णमणुक्को.
