________________ 862 अंग-पविट्ठ सुत्ताणि तेणेव उवागच्छंति 2 ता समणं भगवं महावीरं वंदंति णमंसंति वं० 2 ता एवं वयासी-एवं खल भंते ! मागंदियपुत्ते अणगारे अम्हं एवमाइक्खइ.जाव परूवेइ-एवं खलु अज्जो ! काउलेस्से पुढ विकाइए जाव अंतं करेइ, एवं खलु अज्जो ! काउलेस्से आउक्काइए जाव अंत करेइ, एवं खलु० वणस्सइकाइएवि जाव अंतं करेइ / से कहमेयं भंते ! एवं ? अज्जोति ! समणे भगवं महावीरे ते समणे णिग्गंथे आमंतेत्ता एवं वयासी-जण्णं अज्जो ! मागंदियपुत्ते. अणगारे तुज्झे एवं आइवखइ जाव परूवेइ-एवं खलु अज्जो ! काउलेस्से पुढविकाइए जाव अंतं करेइ, एवं खलु अज्जो ! काउलेस्से आउकाइए जाव अंत करेइ, एवं खलु अज्जो ! काउलेस्से वणस्सइकाइएवि जाव अंतं करेइ, सच्चे गं एसमठे, अहंपि णं अज्जो ! एवंमाइक्खामि ४-एवं खल अज्जो ! कण्हलेस्से पुढविकाइए कण्हलेस्सेहितो पुढविकाइएहितो जीव अतं करेइ, एवं खलु अज्जो ! णीललेस्से पुढविकाइए जाव अंतं करेइ, एवं काउलेस्सेवि जहा पुढविकाइए जाव अंतं करेइ, एवं आउकाइएवि, एवं वणस्सइकाइएवि, सच्चे गं एसमझें / सेवं भंते ! सेवं भंते ! ति समणा णिग्गंथा समणं भगवं महावीरं वदति णमंसंति वं० 2 ता जेणेव मागंदियपुत्ते अणगारे तेणेव उवागच्छंति 2 त्ता मागंदियपुत्तं अणगारं वंदति णमंसंति वं० 2 ता एयनठं सम्म विणएणं भुज्जो 2 खामेति // 617 // तए णं से मागंदियपुत्ते अणगारे उट्ठाए उठेइ 2 ता जेणेव समणे भगवं महावीरे तेणेव उवागच्छइ ते. 2 ता समणं भगवं महावीरं वंदइ णमंसइ वं० 2 ता एवं वयासी-अणगारस्त णं भंते ! भावियप्पणो सव्वं कम्मं वेएमाणस्स सव्वं कम्म णिज्जरेमाणस्स सव्वं मारं मरमाणस्स सव्वं सरीरं विप्पजहमाणस्स चरिमं कम्मं वेएमाणस्स चरिम कम्मं णिज्जरेमाणस्स चरिमं मारं मरमाणस्स चरिम सरीरं विप्पजहमाणस्स मारणंतियं कम्मं वेएमाणस्स मारणंतियं कम्मं णिज्जरेमाणस्स मारणंतिय भारं मरमाणंतिस्स मारणंतियं सरीरं विप्पजहमाणस्स जे चरिमा णिज्जरापोग्गला सुहमा णं ते पोग्गला 50, समणाउसो ! सव्वं लोगंपिणं ते उग्गाहित्ताणं चिट्ठति ? हंता मागंदियपुत्ता ! अणगारस्स णं भावियप्पणो जाव ओगा. हित्ताणं चिट्ठति / छउमत्थे णं भंते ! मणुस्से तेसि णिज्जरापोग्गलाणं किंचि आणत्तं वा णाणत्तं वा एवं जहा इंदियउद्देसए पढमे जाव वेमाणिया जाव तत्थ
