________________ 856 अंग-पविट्ट सुत्ताणि कुमारा गं भंते ! सवे समाहारा० एवं चेव / सेवं भंते ! 2 त्ति (17-16) // 613 // अग्गिकुमारा गं भंते ! सव्वे समाहारा० एवं चेव / सेवं भंते ! सेवं भंते ! त्ति (17-17 ) // 614 // सत्तरसमं सयं समत्तं // अद्वारसमं सयं पढमो उद्देसो॥ पढमे 1 विसाह 2 मायंदिए य 3 पाणाइवाय 4 असुरे य 5 / गुल 6 केवलि 7 अणगारे 8 भविए ह तह सोमिलटारसे 10 // 1 // तेणं कालेणं तेणं समएणं रायगिहे जाव एवं वयासी-जीवे णं भंते ! जीवभावेणं कि पढमे अपढमे ? गोयमा ! णो पढमे अपढमे, एवं रइए जाव वेमाणिए / सिद्धे णं भंते ! सिद्ध भावेणं कि पढमे अपढमे ? गोयमा ! पढमे णो अपढमे / जीवा णं भंते ! जीवभावेणं किं पढमा अपढमा ? गोयमा ! णो पढमा अपढमा, एवं जाव वेमाणिए 1 / सिद्धाणं पृच्छा, गोयमा ! पढमा णो अपढमा। आहारए णं भंते ! जीवे आहारभावेणं कि पढमे अपढमे ? गोयमा ! णो पढमे अपढमे, एवं जाव वेमाणिए, पोहत्तिए एवं चेव / अणाहारए णं भंते ! जीवे अणाहारभावेणं पुच्छा, गोयमा ! सिय पढमे सिय अपढमे / णेरइए णं भंते० ! एवं गैरइए जाव वेमाणिए णो पढमे अपढमे, सिद्धे पढमे णो अपढमे / अणाहारगा णं भंते ! जीवा अणाहारभावेणं पुच्छा, गोयमा ! पढमावि अपढ. मावि, णेरइया जाव वेमाणिया णो पढमा अपढमा, सिद्धा पढमा णो अपढमा, एक्केक्के पुच्छा भाणियव्वा 2 / भवसिद्धिए एगत्तपुहुत्तेणं जहा आराहए, एवं अभवसिद्धिएवि, णोभवसिद्धियणोअभवसिद्धिए णं भंते ! जीवे णोभव० पुच्छा, गोयमा ! पढमे णो अपढमे, णोभवसिद्धिय-णोअभवसिद्धिए णं भते ! सिद्धा णोभ० अभव०, एवं चेव पुत्तेणवि दोण्हवि / सण्णी गं भंते ! जीवे सण्णिभावेणं कि पढमे पुच्छा, गोयमा ! णो पढमे अपढमे, एवं विलि. दियवज्जं जाव वेमाणिए, एवं पुत्तेणवि 3 / असण्णी एवं चेव एगत्तपुहुत्तेणं णवरं जाव वाणमंतरा, गोसण्णीणोअसण्णी जीवे मणुस्से सिद्धे पढमे णो अपढमे, एवं पुहुत्तेणवि 4 / सलेस्से णं भंते ! पुच्छा, गोयमा ! जहा आहारए एवं पुहुत्तेणवि, कण्हलेस्सा जाव सुक्कलेस्सा एवं चेव णवरं जस्स जा लेस्सा अस्थि / अलेस्से णं जीवमणुस्ससिद्धे जहा गोसण्णीणोअसण्णी
