________________ भगवई स. 17 उ.५ 853 जीवाणं मुसावाएणं किरिया कज्जइ? हंता अस्थि / सा भंते! किं पुट्ठा कज्जइ अपुट्ठा कज्जइ ? जहा पाणाइवाएणं दंडओ एवं मुसावाएणवि, एवं अदिण्णादाणेणवि मेहुणेणवि परिग्गहेणवि, एवं एए पंच दंडगा 5 / जं समयण्णं भंते ! जीवाणं पाणाइवाएणं किरिया कज्जइ सा भंते ! किं पुट्टा कज्जइ अपुट्ठा कज्जइ ? एवं तहेव जाव वत्तव्वं सिया जाव वेमाणियाणं, एवं जाव परिग्गहेणं, एवं एएवि पंच दंडगा 10 / जं देसेणं भंते ! जीवाणं पाणाइवाएणं किरिया कज्जइ? एवं चेव जाव परिग्गहेणं, एए वि पंच दंडगा 15 / जं पएसं णं भंते ! जीवाणं पाणाइवाएणं किरिया कज्जइ सा भंते ! कि पुट्टा कज्जइ एवं तहेव दण्डओ, एवं जाव परिग्गहेणं 20 एवं एए वीसं दंडगा // 600 // जीवाणं भंते ! कि अत्तकडे दुक्खे, परकडे दुक्खे, तदुभयकडे दुक्खे ? गोयमा ! अत्तकडे दुक्खे, णो परकडे दुक्खे, णो तदुभयकडे दुक्खे, एवं जाव वेमाणियाणं। जीवा णं भंते ! कि अत्तकडं दुक्खं वेदेति, परंकडं दुक्खं वेदेति, तदुभयकडं दुक्खं वेदेति ? गोयमा ! अत्तकडं दुक्खं वेदेति, णो परकडं दुक्खं वेदेति, णो तदुभयकडं दुक्खं वेदेति, एवं जाव वेमाणियाणं / जीवाणं भंते ! कि अत्तकडा वेयणा, परकडा वेयणा, तदुभयकडा वेयणा ? गोयमा ! अत्तकडा वेयणा, णो परकडा वेयणा, णो तदुभयकडा वेयणा, एवं जाव वेमाणियाणं / जीवा णं भंते ! कि अत्तकडं वेयणं वेदेति, परंकडं वेयर्ण वेदेति, तभयकडं वेयणं वेदेति ? गोयमा ! जीवा अत्तकडं वेयणं वेदेति, णो परकडं वेयणं वेदेति, णो तदुभयकडं वेयणं वेदेति, एवं जाव वेमाणियाणं / सेवं भंते ! सेवं भंते ! ति // 601 // सत्तरसमं सयं पंचमो उद्देसो - कहि णं भंते ! ईसाणस्स देविदस्स देवरग्णो सभा सुहम्मा पण्णत्ता ? गोयमा ! जंबुद्दीवे 2 मंदरस्स पव्वयस्स उत्तरेणं इमीसे णं रयणप्पभाए पुढवीए बहुसमरमणिज्जाओ भूमिभागाओ उड्ढं चंदिमसूरिय० जहा ठाणपए जाव मज्झे ईसाणवडिसए महाविमाणे से गं ईसाणडिसए महाविमाणे अद्धतेरस. जोयणसयसहस्साइं० एवं जहा वसमसए सक्कविमाणवत्तव्वया सा इहवि ईसा. णस्स णिरवसेसा भाणियव्वा जाव आयरक्खत्ति, ठिई साइरेगाइं दो सागरोव. माई, सेसं तं चेव जाव ईसाणे देविदे देवराया 2 / सेवं भंते ! 2 त्ति // 602 //
