________________ भगवई स. 17 उ. 2 8 49 भावे पण्णत्ते ? गोयमा ! छविहे भावे प०, तं०-उदइए उवसमिए जाव सण्णिवाइए / से कि तं उदइए भावे ? उदइए भावे दुविहे पण्णत्ते, तंजहाउदए य उदयणिप्पण्णे य, एवं एएणं अभिलावेणं जहा अणुओगदारे छण्णामं तहेव गिरवसेसं भाणियव्वं जाव से तं सण्णिवाइए भावे / सेवं भंते ! सेवं भंते ! ति // 592 // सत्तरसमं सयं बीओ उद्देसो ___ से पूर्ण भंते ! संजयविरयपडिहयपच्चक्खायपावकम्मे धम्मे ठिए, असंजयअविरयअपडिहयपच्चक्खायपावकम्मे अहम्मे ठिए, संजयासंजए धम्माधम्मे ठिए ? हंता गोयमा ! संजयविरय जाव धम्माधम्मे ठिए। एएसि गं भंते ! धम्मसि वा अहम्मंसि वा धम्माधम्मंसि वा चक्किया केइ आसइत्तए वा जाव तुयट्रित्तए वा ? गोयमा ! णो इणठे समठे / से केणं खाइ अढेणं भंते ! एवं वच्चइ जाव धम्माधम्मे ठिए ? गोयमा ! संजयविरय जाव पावकम्मे धम्मे ठिए धम्म चेव उवसंपज्जित्ताणं विहरइ, असंजय जाव पावकम्मे अहम्मे ठिए अहम्मं चेव उवसंपज्जित्ताणं विहरइ, संजयासंजए धम्माधम्मे ठिए धम्मा. धम्म उवसंपज्जित्ताणं विहरइ, से तेणठेणं जाव धम्माधम्मे ठिए / जीवा गं भंते ! कि धम्मे ठिया अहम्मे ठिया धम्माधम्मे ठिया ? गोयमा ! जीवा धम्मेवि ठिया अहम्मेवि ठिया धम्माधम्मेवि ठिया / णेरइयाणं भंते ! पुच्छा, गोयमा ! णेरइया णी धम्मे ठिया, अहम्मे ठिया, णो धम्माधम्मे ठिया, एवं जाव चरिदियाणं / पंचिदियतिरिक्खजोणियाणं पुच्छा, गोयमा ! चिदिय. तिरिक्खजोणिया णो धम्मे ठिया, अहम्मे ठिया, धम्माधम्मेवि ठिया, मणस्सा जहा जीवा, वाणमंतर-जोइसिय-वेमाणिया जहा गैरइया // 563 // अण्णउत्थिया णं भंते ! एवमाइक्खंति जाव परूवेंति-एवं खलु समणा पंडिया समणोवासया बालपंडिया, जस्स णं एगपाणाएवि दंडे अणिक्खित्ते से गं एगंतबालेत्ति वत्तव्वं सिया / से कहमेयं भंते ! एवं ? गोयमा ! जण्णं ते अण्ण उत्थिया एवमाइक्खंति जाव वत्तव्वं सिया, जे ते एवमाहंसु मिच्छं ते एवमाहंसु, अहं पुण गोयमा ! एवमाइक्खामि जाव परूवेमि-एवं खलु समणा पंडिया, समणोवासया बालपंडिया, जस्स णं एगपाणाएवि दंडे णिक्खित्ते से णं णो एगंतबालेत्ति वत्तव्वं सिया। जीवा णं भंते ! कि बाला पंडिया बालपंडिया ?
