________________ 828 अंग-पविट्ट सुत्ताणि खुत्तो उद्दाइत्ता 2 तत्थेव 2 भुज्जो 2 पच्चायाहिइ, सव्वत्थवि णं सत्थवज्झे दाहवक्कंतीए कालमासे कालं किच्चा जाई इमाई भयपरिसप्पविहाणाई भवंति,तं०गोहाणं णउलाणं जहा पण्णवणापए जाव जाहगाणं च उप्पाइयाणं, तेसु अणेगसय. सहस्सखुत्तो सेसं जहा खहचराणं जाव किच्चा जाई इमाई उरपरिसप्पविहाणाई भवंति, तं०-अहीणं अयगराणं आसालियाणं महोरगाणं, तेसु अणेगसयसहस्सखुत्तो जाव किच्चा जाई इमाइं च उप्पयविहाणाई भवंति, तं०-एगखुराणं दुखु. राणं गंडीपयाणं सणहपयाणं, तेसु अगसयसहस्स जाव किच्चा जाई इमाई जलयरविहाणाई भवंति, तं०-मच्छाणं कच्छभाणं जाव संसुमाराणं, तेसु अणेग. सयसहस्स जाव किच्चा जाई इमाई चरिदियविहाणाई भवंति, तं०-अंधि. याणं पोत्तियाणं जहा पण्णवणापए जाव गोमयकीडाणं, तेसु अणेगसयसहस्स जाव किच्चा जाई इमाई तेइंदियविहाणाई भवंति, तं०-उवचियाणं जाव हत्थिसोंडाणं, तेसु अणेग जाव किच्चा जाई इमाई बेइंदियविहाणाई भवंति, तं०-पुलाकिमियाणं जाव समुद्दलिक्खाणं, तेसु अणेगसय जाव किच्चा जाई इमाई वणस्सइविहाणाई भवंति, तं०-रुक्खाणं गुच्छाणं जाव कुहणाणं, तेसु अणेगसय जाव पच्चायाइस्सइ, उस्सण्णं च णं कड्यरुक्खेसु कडुयवल्लीसु सव्व. त्थवि णं सत्थवज्झे जाव किच्चा जाई इमाई वाउक्काइयविहाणाई भवंति, तंजहा-पाईणवायाणं जाव सुद्धवायाणं, तेसु अगसयसहस्स जाव किच्चा जाई इमाइं तेउक्काइयविहाणाइं भवंति, तं०-इंगालाणं जाव सूरकंतमणिणिस्सि. याणं, तेसु अणेगसयसहस्स जाव किच्चा जाई इमाइं आउक्काइयविहाणाई भवंति, तं०-उस्साणं जाव खातोदगाणं, तेसु अणेगसयसहस्स जाव पच्चायाइ. स्सइ, उस्सणं च णं खारोदएसु खातोदएसु, सव्वत्थवि णं सत्थवज्झे जाव किच्चा जाई इमाइं पुढविक्काइयविहाणाइं भवंति, तं०-पुढवीणं सक्कराणं जाव सूरकताणं, तेसु अणेगसय जाव पच्चायाहिइ, उस्सण्णं च णं खरबायरपुढविक्काइएसु, सव्वत्थवि णं सत्थवज्झे जाव किच्चा रायगिहे णयरे बाहिं खरियत्ताए उववज्जिहिइ, तत्थवि णं सत्थवज्झे जाव किच्चा दोच्चंपि रायगिहे णयरे अंतो खरियत्ताए उववज्जिहिइ, तत्थवि णं सत्थवज्जे जाव किच्चा इहेव जंबुद्दीवे दीवे भारहे वासे विझगिरिपायमूले बेभेले सण्णिवेसे मौहणकुलंसि दारियत्ताए पच्चायाहिइ / तए णं तं दारियं अम्मापियरो उम्मुक्कबालभावं जोव्वण.
