________________ 826 अंग-पविट्ट सुत्ताणि सुमंगलं अणगारं दोच्चंपि रहसिरेणं णोल्लावेहिइ / तए णं से सुमंगले अणगारे विमलवाहणेणं रण्णा दोच्चंपि रहसिरेणं णोल्लाविए समाणे सणियं 2 उठे. हिइ 2 ता ओहिं पउंजेहिइ 2 ता विमलवाहणस्स रण्णो तीतद्धं ओहिणा आभोएहिए 2 ता विमलवाहणं रायं एवं वइहिइ-णो खलु तुमं विमलवाहणे राया, णो खलु तुमं देवसेणे राया, णो खलु तुमं महापउमे राया, तुमण्णं इओ तच्चे भवग्गहणे गोसाले णाम मंखलिपुत्ते होत्था, समणघायए जाव छउमत्थे चेव कालगए, तं जइ ते तया सम्वाणुभइणा अणगारेणं पभुणावि होऊणं सम्म सहियं खमियं तितिविखयं अहियासियं, जइ ते तया सुणक्खत्तेणं अणगारेणं पभुणावि होऊणं जाव अहियासियं, जइ ते तया समणेणं भगवया महावीरेणं पभुणावि जाव अहियासियं। तं णो खलु ते अहं तहा सम्मं सहिस्सं जाव अहियासिस्सं, अहं ते णवरं सहयं सरहं ससारहियं तवेणं तेएणं एगाहच्चं कूडाहच्चं भासरासि करेज्जामि / तए णं से विमलवाहणे राया सुमंगलेणं अणगारेणं एवं वुत्ते समाणे आसुरुत्ते जाव मिसिमिसेमाणे सुमंगलं अणगारं तच्चपि रहसिरेणं णोल्लावेहिइ / तए णं से सुमंगले अणगारे विमलवाहणेणं रण्णा तच्चपि रहसिरेणं णोल्लाविए समाणे आसुरुत्ते जाव मिसिमिसेमाणे आयावणभूमीओ पच्चोरुहइ आ० ता तेयासमुग्घाएणं समोहण्णिहिइ तेया० 2 त्ता सत्तट्ठपयाई पच्चोसक्किहिइ सत्तट्ठ० 2 ता विमलवाहणं रायं सहयं सरहं ससारहियं तवेणं तेएणं जाव भासरासि करेहिइ / सुमंगले णं भंते ! अणगारे विमलवाहणं रायं सहयं जाव भासरासि करेत्ता कहिं गच्छिहिइ कहिं उववज्जिहिइ ? गोयमा ! सुमंगले णं अणगारे विमलवाहणं रायं सहयं जाव भासरासि करेत्ता बहूहि चउत्थछट्टट्ठमदसमदुवालस जाव विचित्तेहिं तवोकम्मेहि अप्पाणं भावेमाणे बहूई वासाइं सामण्णपरियागं पाउणिहिइ बहू 0 2 ता मासियाए संलेहणाए सद्धि भत्ताइं अणसणाए जाव छेदेत्ता आलोइयपडिक्कते समाहिपत्ते उड्ढं चंदिम. सूरिय जाव गेविज्जविमाणावाससयं वीईवइत्ता सव्वदृसिद्धे महाविमाणे देवत्ताए उववज्जिहिइ, तत्थ णं देवाणं अजहण्णमणक्कोसेणं तेत्तीसं सागरोवमाइं ठिई 50, तत्थ णं सुमंगलस्सवि देवस्स अजहण्णमणुक्कोसेणं तेत्तीसं सागरोवमाई ठिई प० / से णं भंते ! सुमंगले देवे ताओ देवलोगाओ जाव महाविदेहे वासे सिज्झिहिइ जाव अंतं काहिइ // 558 // विमलवाहणे णं भंते ! राया सुमंग.
