________________ 824 अंग-पविट्ट सुत्ताणि दिवसे अयमेयारूवं गोण्णं गुणणिप्फणं णामधेज्जं काहिति-जम्हा णं अहं इमंसि दारगंसि जायंसि समाणंसि सयदुवारे णयरे सभितरबाहिरिए जाव रयणवासे ठे, तं होउ णं अम्हं इमस्स दारगस्स णामधेनं महापउमे-महापउमे, तए णं तस्स दारगस्स अम्मापियरो णामधेज्जं करेहिति महापउमेत्ति / तए णं तं महापउमं दारगं अम्मापियरो साइरेगट्ठवासजायगं जाणिता सोहणंसि तिहिकरणदिवसणक्खत्तमहत्तंसि महया 2 रायाभिसेगेणं अभिसिचेहिति, से गं तत्थ राया भविस्सइ महया हिमवंतमहंत. वण्णओ जाव विहरिस्सइ / तए णं तस्स महापउमस्स रण्णो अण्णया कयाइ दो देवा महिड्डिया जाव महेसक्खा सेणाकम्मं काहिति, तं०-पुण्ण मद्दे य माणिभद्दे य। तए णं सय. दुवारे णयरे बहवे राईसरतलवर जाव सत्थवाहप्पभिईओ अण्णमण्णं सद्दावेहिति अ० 2 ता एवं वदेहिति-जम्हा णं देवाणुप्पिया ! अम्हं महापउमस्स रणो दो देवा महिड्डिया जाव सेणाकम्मं करेंति तं०-पुण्णभद्दे य माणिभद्दे य, तं होउ णं देवाणप्पिया ! अम्हं महापउमस्स रण्णो दोच्चेवि णामधेज्जे देवसेणे 2, तए गं तस्स महापउमस्स रण्णो दोच्चेवि णामधेज्जे भविस्सइ देवसेणेत्ति / तए गं तस्स देवसेणस्स रण्णो अण्णया कयाइ सेए संखतलविमलसण्णिगासे चउदंते हत्थिरयणे समप्पज्जिस्सइ, तए णं से देवसेणे राया तं सेयं संखतलविमलसण्णिगासं चउदंतं हत्थिरयणं दुरुढे समाणे सयदुवारं णयरं मज्झमज्झेणं अभिक्खणं 2 अइजाहिइ य णिज्जाहिइ य, तए णं सयदुवारे णयरे बहवे राईसर जाव पभिईओ अण्णमण्णं सद्दावेहिति अ० 2 ता वदेहिति-जम्हा णं देवाणुप्पिया ! अम्हं देवसेणस्स रण्णो सेए संखतलसग्णिगासे चउड़ते हत्थिरयणे समप्पण्णे, तं होउ णं देवाणप्पिया ! अम्हं देवसेणस्स रणो तच्चेवि णामधेज्जे विमलवाहणे 2. तए णं तस्स देवसेणस्स रणो तच्चेवि णामधेजे भविस्सइ विमलवाहणेत्ति। तए णं से विमलवाहणे राया अण्णया कयाइ समणेहि णिगंहि मिच्छं विप्पडि. वज्जिहिइ, अप्पेगइए आउसेहिइ, अप्पेगइए अवसिहिइ, अप्पेगइए णिच्छो. डेहिइ, अप्पेगइए णिन्भत्थैहिइ, अप्पेगइए बंधेहिइ, अप्पेगइए णिरुंभेहिइ, अप्पेगइयाणं छविच्छेदं करेहिइ, अप्पेगइए पमारेहिइ, अप्पेगइयाणं उद्दवेहिड, अप्पेगइयाणं वत्थं पडिग्गहं कंबलं पायपुंछणं आच्छिदिहिइ विच्छिदिहिइ भिदिहिइ अवहरिहिइ, अप्पेगइयाणं भत्तपाणं वोच्छिदिहिइ, अप्पेगइए णिण्ण
