________________ भगवई स. 15 8 23 याणं देवाणं अट्ठारस्स सागरोवमाई ठिई पण्णत्ता, तत्थ णं सव्वाणुभूइस्सवि देवस्स अट्ठारस्स सागरोवमाई ठिई पण्णत्ता, सेणं सव्वाणुभूई देवे ताओ देवलोगाओ आउक्खएणं भवक्खएणं ठिइक्खएणं जाव महाविदेहे वासे सिज्झिहिइ जाव अंतं करेहिइ / एवं खलु देवाणुप्पियाणं अंतेवासी कोसलजाणवए सुणक्खत्ते णाम अणगारे पगइभद्दए जाव विणीए, से गं भंते ! तया गोसालेणं मंखलि. प्रत्तेणं तवेणं तेएणं परिताविए समाणे कालमासे कालं किच्चा कहिं गए कहि उववणे ? एवं खल गोयमा ! ममं अंतेवासी सुणक्खत्ते णामं अणगारे पगइ. भदए जाव विणीए, से णं तया गोसालेणं मंखलिपुत्तेणं तवेणं तेएणं परिताविए समाणे जेणेव ममं अंतिए तेणेव उवागच्छइ 2 ता वंदइ णमंसइ वं० 2 ता सयमेव पंच महव्वयाइं आफ्हेइ सयमेव पंच महव्वयाई आरुहेत्ता समणा य समणीओ य खामेइ 2 ता आलोइयपडिक्कते समाहिपत्ते कालमासे कालं किच्चा उड्ढं चंदिमसूरिय जाव आणयपाणयारणकप्पे वीईवइत्ता अच्चुए कप्पे देवत्ताए उववण्णे, तत्थ णं अत्यगइयाणं देवाणं बावीसं सागवरोवमाई ठिई पण्णत्ता, तत्थ गं सुशक्खत्तस्सवि देवस्स बावीसं सागरोवमाई सेसं जहा सवाणुभइस्स जाव अंतं काहिह ॥५५७॥एवं खलु देवाणुप्पियाणं अंतेवासी कुसिस्से गोसाले णाम मंखलिपुत्ते से गं भंते ! गोसाले मंखलिपुत्ते कालमासे कालं किच्चा कहिं गए कहिं उबवण्णे ? एवं खलु गोयमा! ममं अंतेवासी कुसिस्से गोसाले णामं मंखलिपुत्ते समणघायए जाव छउमत्थे चेव कालमासे कालं किच्चा उड्ढं चंदिमसुरिय नाव अच्चुए कप्पे देवत्ताए उववण्णे, तत्थ गं अत्थेगइयाणं देवाणं बावीसं सागरोवमाइं ठिई 50, तत्थ गं गोसालस्सवि देवस्स बावीसं सागरोवमाइं ठिई प० / से गं भंते ! गोसाले देवे ताओ देवलोगाओ आउक्खएणं 3 जाव कहिं उववज्जिहिइ ? गोयमा ! इहेव जंबूदीवे 2 भारहे वासे विझगिरिपायमूले पुंडेसु जणवएसु सयदुवारे णयरे संमुइस्स रण्णो भद्दाए भारियाए कुच्छिसि पुत्तत्ताए पच्चायाहिइ, से गं तत्थ णवण्हं मासाणं बहुपडिपुण्णाणं जाव वीइक्कंताणं जाव सुरूवे दारए पयाहिइ / जं रणि च णं से दारए जाइहिइ तं रणि च गं सयदुवारे णयरे सभितरबाहिरिए भारग्गसो य कुंभग्गसो य पउमवासे य रयणवासे य वासे वासिहिइ / तए णं तस्स दारगस्स अम्मापियरो एक्कारसमे दिवसे वीइक्कंते जाव संपत्ते बारसाह
