________________ 802 अंग-पविट्ठ सुत्ताणि पडिहयं जाणित्ता गोसालस्स मंखलिपुत्तस्स सरीरगस्स. किंचि आबाहं वा वाबाहं वा छविच्छेदं वा अकीरमाणं पासित्ता साउसिणं तेयलेस्सं पडिसाहरइ साउ० 2 ता ममं एवं वयासी-से गयमेयं भगवं! गयगयमयं भगवं| तए गं गोसाले मंखलिपुत्ते ममं एवं वयासी-किण्णं भंते ! एस जयासिज्जायरए तुब्भे एवं वयासी-से गयमेयं भगवं ! गयगयमेयं भगवं ! तए णं अहं गोयमा! गोसालं मंखलिपुत्तं एवं वयासी-तुमं गं गोसाला! वेसियायणं बालतवस्सि पाससि पासित्ता ममं अंतियाओ सणियं 2 पच्चोसक्कसि जेणेव वेसियायणे बालतवस्सी तेणेव उवागच्छसि ते. २त्ता वेसियायणं बालतवस्सि एवं वयासीकिं भवं मुणी मुणिए उदाहु जयासेज्जायरए ? तए णं से वेसियायणे बालतवस्सी तव एयम→ णो आढाइ णो परियाणइ तुसिणीए संचिट्ठइ, तए णं तुम गोसाला! वेसियायणं बालतस्सि दोच्वंपि तच्वंपि एवं वयासी-किं भवं मुणी मुणिए जाव जयासेज्जायरए ? तए णं से वेसियायणे बालतवस्सी तुमं दोच्चंपि तच्चपि एवं वुत्ते समाणे आसुरुत्ते जाव पच्चोसक्कइ 2 ता तव वहाए सरीरगंसि तेयलेस्सं णिस्सिरइ, तए णं अहं गोसाला ! तव अणुकंपणट्टयाए वेसियायणस्स बालतवस्सिस्स उसिणतेयपडिसाहरणट्टयाए एत्थ णं अंतरा सोयलियं तेयलेस्सं णिसिरामि जाव पडिहयं जाणित्ता तव य सरीरगस्स किचि आबाहं वा वाबाहं वा छविच्छेदं वा अकीरमाणं पासित्ता साउसिणं तेयलेस्सं पडिसाहरइ सा० 2 ता ममं एवं वयासी-से गयमेयं भगवं! गयगयमेयं भगवं! तए णं से गोसाले मंखलिपुत्ते ममं अंतियाओ एयमझें सोच्चा णिसम्म भीए जाव संजायभए ममं वंदइ णमंसइ ममं वं० २त्ता एवं वयासी-कहण्णं भंते ! संखित्तविउलतेयलेस्से भवइ ? तए णं अहं गोयमा ! गोसालं मंखलिपुत्तं एवं वयासी-जे गं गोसाला! एगाए सणहाए कुम्मास. पिडियाए एगेण य वियडासएणं छठंछठेणं अणिक्खित्तेणं तवोकम्मेणं उड़ढं बाहाओ पगिज्झिय 2 जाव विहरइ, से णं अंतो छण्हं मासाणं संखित्तविउल. तेयलेस्से भवइ, तए णं से गोसाले मंखलिपुत्ते ममं एयमद्रं सम्मं विणएणं पडिसुणेइ // 542 // तए णं अहं गोयमा ! अण्णया कयाइ गोसालेण मंखलि. पुत्तेणं सद्धि कुम्मगामाओ णयराओ सिद्धत्थग्गामं णयरं संपट्ठिए विहाराए, जाहे य मोतं देसं हव्वमागया जत्थ णं से तिलथंभए तए ण से गोसाले मंखलि. पुत्ते ममं एवं वयासी-तुझे णं भंते ! तया ममं एवं आइक्खह जाव एवं
