________________ भगवई स. 15 801 तेणेव उवागच्छइ 2 ता तं तिलथंभगं सलेठ्ठयायं चेव उप्पाडेइ 2 ता एगते एडेइ, तक्खणमेत्तं च णं गोयमा ! दिव्वे अभवद्दलए पाउभए, तए णं से दिव्वे अब्भवद्दलए खिप्पामेव पतणतणाएइ 2 ता खिप्पामेव पविज्जयाइ 2 ता खिप्पामेव णच्चोदगं णाइमट्टियं पविरलपप्फुसियं रयरेणुविणासणं दिव्वं सलिलोदगं वासं वासइ, जेणं से तिलथंभए आसत्थे वीसत्थए पच्चायाए तत्थेव बद्धमूले तत्थेव पइदिए, ते य सत्त तिल गुप्फ जीवा उद्दाइत्ता 2 तस्सेव तिलथंभगस्स एगाए तिलसंगलियाए सत्त तिला पच्चायाया // 541 // तए णं अहं गोयमा ! गोसालेणं मंखलिपुत्तेणं सद्धि जेणेव कुम्मगामे णयरे तेणेव उवागच्छामि, तए णं तस्स कुंमग्गामस्स णयरस्स बहिया वेसियायणे णामं बालतव. स्सी छठंछठेणं अणिक्खित्तेणं तवोकम्मेणं उड्ढं बाहाओ पगिज्झिय 2 सूराभिमहे आयावणभूमीए आयावेमाणे विहरइ, आइच्चतेयतवियाओ य से छप्प. बोओ सव्वओ समंता अभिणिस्सवंति पाणभूयजीवसत्तदयट्टयाए च णं पडियाओ 2 तत्थेव 2 भुज्जो 2 पच्चोरुहेइ / तए णं से गोसाले मखलिपुत्ते वेसियायणं बालतवस्सि पासइ 2 ता ममं अंतियाओ सणियं 2 पच्चोसक्कइ ममं० 2 ता जेणेव वेसियायणे बालतवस्ती तेणेव उवागच्छइ 2 त्ता वेसियायणं बालतवस्सि एवं वयासी-कि भवं मुणी मुणिए उदाहु जयासेज्जायरए ? तए णं से वेसि. यायणे बालतवस्सी गोसालस्स मंखलिपुत्तस्स एयमलृ णो आढाइ णो परि. याणइ तुसिणीए संचिट्टई / तए णं से गोसाले मंखलिपुत्ते वेसियायणं बाल. तस्सि दोच्चपि तच्चपि एवं वयासी-कि भवं मुणी मुणिए जाव सेज्जायरए ? तए णं से वेसियायणे बालतवस्सी गोसालेणं मंखलिपुत्तेणं दोच्चपि तच्चंपि एवं वुत्ते समाणे आसुरुत्ते जाव मिसिमिसेमाणे आयावणभूमीओ पच्चोरुहइ आ० 2 ता तेयासमुग्घाएणं समोहण्णइ तेयासमुग्घाएणं समोहणित्ता सत्तट्ठपयाई पच्चोसक्कइ स०२ ता गोसालस्स मंखलिपुत्तस्स वहाए सरीरगंसि तेयं णिसिरइ / तए णं अहं गोयमा ! गोसालस्स मंखलिपुत्तस्स अणुकंपणट्टयाए वेसियायणस्स बालतवस्सिस्स उसिणतेयपडिसाहरणट्टयाए एत्थ णं अंतरा अहं सोयलियं तेयलेस्सं णिसिरामि, जाए सा ममं सीयलियाए तेय. लेस्साए वेसियायणस्स बालतवस्सिस्स साउसिणा तेयलेस्सा पडिहया / तए णं से वेसियायणे बालतवस्सी ममं सोयलियाए तेयलेस्साए साउसिगं तेयलेस्सं
