________________ 792 अंग-पविट सुत्ताणि च गं उवदंसेज्जा, से तेणठेणं जाव अव्वाबाहा देवा 2 // 530 // प णं भंते ! सक्के देविदे देवराया पुरिसस्स सीसं सपाणिणा असिणा छिदित्ता, कमं. डलंमि पक्खिवित्तए ? हंता पम, से कहमिदाणि पकरेइ ? गोयमा ! छिदिया छिदिया च णं वा पक्खिवेज्जा, भिदिया भिदिया च णं वा पक्खिवेज्जा, कोट्टया कोट्रिया च णं वा पक्खिवेज्जा, चुणिया चुणिया च णं वा पक्खिवेज्जा, तओ पच्छा खिप्पामेव पडिसंघाएज्जा, णो चेव णं तस्स पुरिसस्स किंचिवि आवाहं वा वाबाहं वा उप्पाएज्जा, छविच्छेदं पुण करेइ, एसहमं च णं पक्खिवेज्जा // 531 // अस्थि णं भंते ! जंभया देवा जंभया देवा ? हंता अस्थि, से केणठेणं भंते ! एवं वच्चइ जंभया देवा जंभया देवा ? गोयमा ! जंभगा णं देवा णिच्चं पमइयपक्कीलिया कंदप्परइमोहणसीला जे गं ते देवे कुद्धे पासेज्जा से णं पूरिसे महंतं अयसं पाउणिज्जा, जे णं ते देवे तुठे पासेज्जा से गं महंतं जसं पाउ. ज्जा, से तेणठेणं गोयमा! एवं वच्चइ-जंभमा देवा 2. कइ विहा णं भंते ! जंभगा देवा पण्णता? गोयमा! दसविहा पण्णत्ता, तंजहा-अण्णजंभगा पाणजंभगा वत्थजंभगा लेणजंभगा सयणजंभगा. पुप्फजंभगा फलजंभगा पुप्फ-फल जंभगा विज्जाजभगा अवियीत्तजंभगा, जभंगाणं भंते ! देवा कहि वसहि उति ? गोयमा ! सव्वेसु चेव दीहवेयड्ढेसु चित्तविचित्तजमगपव्वएसु कंचणपव्वएसु य एत्थ णं जंभगा देवा वसहि उवेंति / जंभगा णं भंते ! देवाणं केवइयं कालं ठिई पण्णत्ता ? गोयमा! एगं पलिओवमं ठिई पण्णत्ता / सेवं भंते ! 2 त्ति जाव विहरइ // 532 // चोदसमं सयं णवमो उद्देसो अणगारे गं भंते ! भावियप्पा अप्पणो कम्मलेस्सं ण जाणइ ण पासइ तं पुण जीवं सरूवि सकम्मलेस्सं जाणइ पासइ ? हंता गोयमा ! अणगारे गं भावियप्पा अप्पणो जाव पासइ / अत्थि गं भंते ! सरूबीवि सकम्मलेस्सा पोग्गला ओभासंति 4 ? हंता अत्थि / कयरे गं भंते ! सरूवी सकम्मलेस्सा पोग्गला ओभासंति जाव पभासेंति ? गोयमा ! जाओ इमाओ चंदिमसूरियाणं देवाणं विमाणेहितो लेस्साओ बहिया अभिणिस्सडाओ ताओ ओभासेंति जाव पभासेंति एवं एएणं गोयमा ! ते सरूवी सकम्मलेस्सा पोग्गला ओभासेंति 4 // 533 ॥णेरइयाणं भंते ! कि अत्ता पोग्गला अणता पोग्गला ? गोयमा ! णो अत्ता पोग्गला अणता पोग्गला, असुरकुमाराणं भंते ! कि अत्ता पोग्गला
