________________ 784 अंग-पविट्ठ सुत्ताणि महिड्डिया वेमाणिणी अप्पिड्डियाए वेमाणिणीए // 507 // रयणप्पभापुढविणेरइया णं भंते ! केरिसयं पोग्गलपरिणामं पच्चणुब्भवमाणा विहरंति ? गोयमा ! . अणिठं जाव अमणाम, एवं जाव अहेसत्तमापुढविणेरइया, एवं वेयणापरिणाम, एवं जहा जीवाभिगमे बिइए णेरइयउद्देसए जाव अहेसत्तमापुढविणेरइया गं भंते ! केरिसयं परिग्गहसण्णापरिणामं पच्चणुब्भवमाणा विहरंति ? गोयमा! अणि8 जाव अमणामं / सेवं भंते ! सेवं भंते ! ति // 508 // . चोद्दसमं सयं चउत्थो उद्देसो एस गं भंते ! पोग्गले तीयमणंतं सासयं समयं लुक्खी समयं अलुक्खी समयं लुक्खी वा अलुक्खी वा ? पुचि च णं करणेणं अणेगवण्णं अणेगरूवं परि. णामं परिणमइ ? अह से परिणामे णिज्जिण्णे भवइ तओ पच्छा एगवण्णे एगरूवे सिया ? हंता गोयमा ! एस गं पोग्गले तीयं तं चेव जाव एगरूवे सिया। एस णं भंते ! पोग्गले पडुप्पण्णं सासयं समयं० ? एवं चेव, एवं अणागय. मणतंपि / एस गं भंते ! खंधे तीयमणंतं. ? एवं चेव, खंधेवि जहा पोग्गले // 506 // एस णं भंते ! जीवे तीयमणंतं सासयं समयं दुक्खी समयं अदुक्खी समयं दुक्खी वा अदुक्खी वा? पुवि च णं करणेणं अणेगभावं अणेगभूयं परि. णामं परिणमइ, अह से वेयणिज्जे णिज्जिण्णे भवइ तओ पच्छा एगभावे एगभए सिया ? हंता गोयमा ! एस णं जीवे जाव एगभूए सिया, एवं पडुप्पण्णं सासयं समयं, एवं अणागयमणंतं सासयं समयं // 510 // परमाणुपोग्गले णं भंते ! कि सासए असासए ? गोयमा ! सिय सासए सिय असासए / से केण. ढेणं भंते ! एवं वुच्चइ सिय सासए सिय असासए ? गोयमा ! दवट्ठयाए सासए, वण्णपज्जवेहि जाव फासपज्जवेहि असासए, से तेणठेणं जाव सिय सासए सिय असासए // 511 // परमाणपोग्गले णं भंते ! कि चरिमे अचरिमे ? गोयमा ! दव्वादेसेणं णो चरिमे अचरिमे, खेत्तादेसेणं सिय चरिमे सिय अच. रिमे, कालादेसेणं सिय चरिमे सिय अचरिमे, भावादेसेणं सिय चरिमे सिय अचरिमे // 512 // कइ विहे गं भंते ! परिणामे पण्णत्ते ? गोयमा ! दुविहे परिणामे पण्णत्ते, तंजहा-जीवपरिणामे य अजीवपरिणामे य, एवं परिणामपयं गिरवसेसं भाणियव्वं / सेवं भंते ! सेवं भंते ! त्ति जाव विहरई // 513 // चोदसमं सयं पंचमो उद्देसो रइए णं भंते ! अगणिकायस्स मज्झमज्झेणं वीईवएज्जा ? गोयमा !
