________________ भगवई स. 13 उ. 3-4 763 जहणेणं एक्को वा दो वा तिण्णि वा उक्कोसेणं संखेज्जा अणुत्तरोववाइया देवा उववज्जति, एवं जहा गेवेज्जविमाणेसु संखेज्जवित्थडेसु णवरं किण्हपक्खिया अभवसिद्धिया तिसू अण्णाणेसु एए ण उववज्जति ण चयंति णवि पण्णत्तएसु भाणियव्वा अचरिमावि खोडिज्जति जाव संखेज्जा चरिमा प०, सेसं तं चेव, असंखेज्जवित्थडेसुवि एए ण भण्णंति णवरं अचरिमा अस्थि, सेसं जहा गेवेज्जएसु असंखेज्जवित्थडेसु जाव असंखेज्जा अचरिमा प० / चोसठ्ठीए णं भंते ! असुरकुमारावाससयसहस्सेसु संखेज्जवित्थडेसु असुरकुमारावासेसु किं सम्मद्दिट्ठी असुरकुमारा उववज्जंति मिच्छादिट्ठी एवं जहा रयणप्पभाए तिण्णि आलावगा भणिया तहा भाणियव्वा, एवं असंखेज्जवित्थडेसुवि तिण्णि गमगा, एवं जाव गेवेज्जविमाणेसु अणुत्तरविमाणेसु एवं चेव, णवरं तिसुवि आलावएसु मिच्छादिट्ठी सम्मामिच्छादिट्ठी य ण भण्णंति, सेसं तं चेव / से गुणं भंते ! कण्हलेस्से गील जाव सुक्कलेस्से भवित्ता कण्हलेस्सेसु देवेसु उववज्जति ? हंता गोयमा ! एवं जहेव णेरइएसु पढमे उद्देसए तहेव भाणियव्वं, णीललेसाएवि जहेव णेरइयाणं, जहा णीललेस्साए एवं जाव पम्हलेस्सेसु सुक्क. लेस्सेसु एवं चेव, णवरं लेस्सट्टाणेसु विसुज्झमाणेसु 2 सुक्कलेस्सं परिणमइ 2 ता सुक्कलेस्सेसु देवेसु उववज्जंति, से तेणठेणं जाव उववज्जति / सेवं भंते! सेवं भंते ! ति // 472 // तेरसमं सयं तइओ उद्देसो रइया णं भंते ! अणंतराहारा तओं णिवत्तणया एवं परियारणापयं णिरवसेसं भाणियव्वं / सेवं भंते ! सेवं भंते ! ति // 473 // तेरसमं सयं चउत्यो उद्देसो कह णं भंते ! पुढवीओ पप्णत्ताओ ? गोयमा ! सत्त पुढवीओ पण्णताओ, तंजहा-रयणप्पभा जाव अहेसत्तमा / अहेसत्तमाए णं भंते ! पुढवीए पंच अणुतरा महइमहालया जाब अपइट्ठाणे, ते णं गरगा छठ्ठीए तमाए पुढवीए णरएहितो महंततरा चेव 1 महाविच्छिण्णतरा चेव 2 महावासतरा चेव 3 महापईरिक्कतरा चेव 4 णो तहा महापवेसणतरा चेव 1 णो आइण्णतरा चेव 2 णो आउलतरा चेव 3 णो अणो (मा) यणतरा चेव 4, तेसु णं णरएसु णेर
