________________ 762 अंग-पविट्ट सुत्ताणि तहा जोइसियाणवि तिणि गमगा भाणियव्वा णवरं एगा तेउलेस्सा, उववज्ज. तेसु पण्णत्तेसु य असण्णी णस्थि, सेसं तं चेव / सोहम्मे गं भंते ! कप्पे केवइया विमाणावाससयसहस्सा पण्णता ? गोयमा ! बत्तीसं विमाणावाससयसहस्सा पण्णता / ते गं भंते ! कि संखेज्जवित्थडा असंखेज्जवित्थडा ? गोयमा ! संखेज्जवित्थडावि असंखेज्जवित्थडावि, सोहम्मे णं भंते ! कप्पे बत्तीसाए विमाणावाससयसहस्सेसु संखेज्जवित्थडेसु विमाणेसु एगसमएणं केवइया सोहम्मगा देवा उववज्जंति केवइया तेउलेस्सा उववज्जति ?.एवं जहा जोइसियाणं तिण्णि गमगा तहेव तिण्णि गमगा भाणियव्वा णवरं तिसुवि संखेज्जा भाणियत्वा, ओहिणाणी ओहिदसणी य चयावेयव्वा, सेसं तं चेव / असंखेज्जवित्थडेसु एवं चेव तिण्णि गमगा णवरं तिसुवि गमएसु असंखेज्जाभाणियब्वा, ओहिणाणी य ओहिदसणी य संखेज्जा चयंति, सेसं तं चेव, एवं जहा सोहम्मे वत्तव्वया भणिया तहा ईसाणेवि छ गमगा भाणियव्वा, सणंकुमारेवि एवं चेव णवरं इत्थीवेयगा ण उववज्जति पण्णत्तेसु य ण भण्णंति, असण्णी तिसुवि गमएसु ण भण्णंति, सेसं तं चेव, एवं जाव सहस्सारे, णाणत्तं विमाणेसु लेस्सासु य सेसं तं चेव / आणयपाणएसु णं भंते ! कप्पेसु केवइया विमाणावाससया पण्णत्ता ? गोयमा ! चत्तारि विमाणावाससया पण्णत्ता, ते णं भंते ! कि संखेज्जवित्थडा असंखेज्जवित्थडा ? गोयमा ! संखेज्जवित्थडावि असंखेज्जवित्थडावि, एवं संखेज्जवित्थडेसु तिणि गमगा जहा सहस्सारे असंखेज्जवित्थडेसु उववज्जतेसु य चयंतेसु य एवं चेव संखेज्जा भाणियव्वा पण्णत्तेसु असंखेज्जा णवरं णोइंदियोवउत्ता अणंतरोववण्णगा अणंतरोगाढगा अणंतराहारगा अणंतरपज्ज. तगा य एएसि जहण्णेणं एक्को वा दो वा तिण्णि वा उक्कोसेणं संखेज्जा प०, सेसा असंखेज्जा भाणियव्वा। आरणच्चुएसु एवं चेव जहा आणयपाणएसु णाणत्तं विमाणेसु, एवं गेवेज्जगावि / कइ गं भंते ! अणुत्तरविमाणा पण्णता? गोयमा ! पंच अणत्तरविमाणा पण्णत्ता, ते णं भंते ! कि संखेज्जवित्थडा असंखेज्जवित्थडा? गोयमा ! संखेज्जवित्थडे य असंखेज्जवित्थडा य, पंचसु णं भंते ! अणुत्तरविमाणेसु संखेज्जवित्थडे विमाणे एगसमएणं केवइया अणुतरोववाइया देवा उववज्जंति केवइया सुक्कलेस्सा उववज्जति पुच्छा तहेव, गोयमा ! पंचसु णं अणुत्तरविमाणेसु संखेज्जवित्थडे अणुत्तरविमाणे एगसमएणं
