________________ भगवई स. 13 उ. 1 759 मणजोगी प०। एवं जाव अणागारोवउत्ता, अर्णतरोववण्णगा सिय अत्थि सिय णस्थि जइ अस्थि जहा असण्णी, संखेज्जा परंपरोववण्णगा प०, एवं जहा अणंतरोववण्णगा तहा अणंतरोवगाढगा अणंतराहारगा अणंतरपज्जत्तगा चरिमा, परंपरोवगाढगा जाव अचरिमा जहा परंपरोववण्णगा / इमीसे गं भंते ! रयणप्पभाए पुढवीए तीसाए णिरयावाससयसहस्सेसु असंखेज्जवित्थडेसु णरएसु एगसमएणं केवइया णेरइया उववज्जति जाव केवइया अणागारोवउत्ता उववज्जति ? गोयमा ! इमीसे गं रयणप्पभाए पुढवीए तीसाए णिरयावाससयसहस्सेसु असंखेज्जवित्थडेसु णरएसु एगसमएणं जहण्णेणं एक्को वा दो वा तिण्णि वा, उवकोसेणं असंखेज्जा रइया उववज्जंति, एवं जहेव संखेज्जवित्थडेसु तिणि गमगा, तहा असंखेज्जवित्थडेसु वि तिणि गमगा भाणियव्वा व असंखेज्जा भाणियव्वा सेसं तं चेव जाव असंखेज्जा भचरिमा प०, णवरं संखेज्जवित्थडेसुवि असंखेज्जवित्थडेसुवि ओहिणाणी ओहिदंसणी य संखेज्जा उववट्टावेयव्वा, सेसं तं चेव / सक्करप्पभाए णं भंते ! पुढवीए केवइया णिरयावास० पुच्छा, गोयमा ! पणवीसं णिरयावाससयसहस्सा पण्णत्ता, ते णं भंते ! कि संखेज्जवित्थडा ? असंखेज्जवित्थडा ? एवं जहा रयणप्पभाए तहा सक्करप्पभाएवि णवरं असण्णी तिसुवि गमएसु ण भण्णइ, सेसं तं चेव / वालुयप्पभाए णं पुच्छा, गोयमा ! पण्णरस णिरयावाससयसहस्सा प०, सेसं जहा सक्करप्पभाए णाणत्तं लेसासुलेसाओ जहा पढमसए। पंकप्पभाए णं पुच्छा, गोयमा !, दस गिरयावाससयसहस्सा प०, एवं जहा सक्करप्पभाए णवरं ओहिणाणी ओहिदसणी य ण उव्वटुंति, सेसं तं चेव / धूमप्पभाए गं पुच्छा, गोयमा ! तिण्णि गिरयावाससयसहस्सा एवं जहा पंकप्पभाए / तमाए गं भंते ! पुढवीए केवइया गिरयावास० पुच्छा, गोयमा ! एगे पंचूणे णिर. यावाससयसहस्से पण्णत्ते, सेसं जहा पंकप्पभाए / अहेसत्तभाए णं भंते ! पुढवीए कइ अणुत्तरा महइमहालया महाणिरया पण्णता ? गोयमा! पंच अणुतरा जाव अपइट्ठाणे, ते णं भंते ! कि संखेज्जवित्थडा असंखेज्जवित्थडा ? गोयमा! संखेज्जवित्थडे य असंखेज्जवित्थडा य, अहेसत्तमाए णं भंते ! पुढवीए पंचसु अणुत्तरेसु महइमहालया जाव महाणिरएसु संखेज्जवित्थडे णरए एगसम. * एणं केवइया णेरइया उववज्जति ? एवं जहा पंकप्पभाए गवरं तिसु गाणेसु ___ण उववज्जति ण उन्वटुंति, पण्णत्तएसु तहेव अस्थि, एवं असंखेज्जवित्थडेसुवि
