________________ 742 अंग-पविट्ठ सुत्ताणि सत्तमे घणवाए घणोदही पुढवी, छठे उवासंतरे अवणे, तणुवाए जाव छट्ठी पुढवी एयाइं अट्ठ फासाई, एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं, जंबुद्दीवे 2 जाव सयंभुरमणे समुद्दे, सोहम्मे कप्पे जाव ईसिपब्भारा पुढवी, णेरइयवासा जाव वेमामाणियावासा एयाणि सव्वाणि अटफासाणि / रइया णं भंते ! कइवण्णा जाव कइफासा पण्णता? गोयमा ! वेउवियतेयाइं पडुच्च पंचवण्णा पंचरसा दुगंधा अट्ठफासा पण्णत्ता, कम्मगं पडुच्च पंचवण्णा पंचरसा दुगंधा चउफासा पण्णत्ता, जीवं पडुच्च अवण्णा जाव अफासा पण्णत्ता, एवं जाव थणियंकुमारा। पुढविक्काइयाणं पुच्छा, गोयमा ! ओरालियतेयगाइं पड़च्च पंचवण्णा जाव अट्ठफासा पण्णत्ता, कम्मगं पडुच्च जहा रइयाणं, जीवं पडुच्च तहेव, एवं जाव चरिदिया, गवरं वाउक्काइया ओरालियवेवियतेयगाई पडुच्च पंचवण्णा जाव अट्ठफासा पण्णत्ता, सेसं जहा णेरइयाणं, पंचिदियतिरिक्खजोणिया जहा वाउक्काइया / मणुस्साणं पुच्छा, ओरालियवेउब्वियाहारगतेयगाई पडुच्च पंचवण्णा जाव अट्ठफासा पण्णत्ता, कम्मगं जीवं च पडुच्च जहा रइयाणं, वाणमंतरजोइसिय. वेमाणिया जहा रइया, धम्मत्थिकाए जाव पोग्गलत्थिकाए एए सव्वे अवण्णा णवरं पोग्गलत्थिकाए पंचवणे पंचरसे दुगंधे अट्टफासे पण्णत्ते, णाणावरणिज्जे जाव अंतराइए एयाणि चउफासाणि / कण्हलेस्सा णं भंते ! कइवण्णा० पुच्छा ? गोयमा! दव्वलेसं पड़च्च पंचवण्णा जाव अट्टफासा पण्णत्ता, भावलेसं पडुच्च अवण्णा 4, एवं जाव सुक्कलेस्सा, सम्मनिट्ठी 3 चक्खुटुंसणे 4 आभिणिबोहियणाणे 5 जाव विभंगणाणे आहारसण्णा जाव परिग्गहसण्णा एयाणि अवण्णाणि 4, ओरालियसरीरे जाव तेयगसरीरे एयाणि अटूफासाणि, कम्मगसरीरे चउफासे, मणजोगे वइजोगे य चउफासे, कायजोगे अटफासे, सागारोवओगे य अणागारोवओगे य अवण्णा / सव्वदव्वा णं भंते ? कइवण्णा० पुच्छा, गोयमा ! अत्थेगइया सव्वदव्वा पंचवण्णा जाव अट्टफासा पण्णत्ता, अत्थेगइया सव्वदव्वा पंचवण्णा जाव चउफासा पण्णत्ता अत्थेगइया सव्वदव्वा एगवण्णा एगगंधा एगरसा दुफासा पण्णत्ता, अत्थेगइया सव्वदव्वा अवण्णा जाव अफासा पण्णत्ता, एवं सव्वपएसावि सव्वपज्जवावि, तीयद्धा अवण्णा जाव अफासा पण्णत्ता, एवं अणागयद्धावि, एवं सव्वद्धावि / / 446 // जीवे गं भंते ! गन्भं वक्कममाणे कइवण्णं कइगंधं कइरसं कइफासं परिणामं परिण.
