________________ भगवई स. 12 उ. 5 741 पोग्गलपरियडा अणतगणा, मणपोग्गलपरियट्टा अणंतगणा, आणापाणुपोग्गल. अणंतगुणा, ओरालियपोग्गल० अणंतगुणा, तेयापोग्गल० अणंतगुणा, कम्मगपोग्गल० अणंतगुणा / सेवं भंते ! सेवं भंते ! ति भगवं जाव विहरइ // 447 // बारसमं सयं पंचमो उद्देसो रायगिहे जाव एवं वयासी-अह भंते ! पाणाइवाए मुसावाए अदिण्णादाणे मेहुणे परिग्गहे, एस गं कइवण्णे कइगंधे कइरसे कइफासे पण्णते ? गोयमा! पंचवण्णे दुगंधे पंचरसे चउफासे पण्णत्ते। अह भंते ! कोहे 1 कोवे 2 रोसे 3 दोसे 4 अखमा 5 संजलणे 6 कलहे 7 चंडिक्के 8 भंडणे 6 विवाए 10, एस णं कइवण्णे जाव कइफासे पण्णत्ते ? गोयमा ! पंचवण्णे पंचरसे दुगंधे चउफासे पण्णत्ते / अह भंते ! माणे मए दप्पे थंभे गवे अत्तुक्कोसे परपरिवाए उक्कासे अवक्कासे उण्णए उण्णामे दुण्णामे 12, एस गं कइवण्णे 4 50 ? गोयमा ! पंचवण्णे जहा कोहे तहेव / अह भंते ! माया उवही णियडी वलए गहणे णमे कक्के कुरूए जिम्हे किदिवसे 10 आयरणया गृहणया वंचणया पलिउंचणया साइजोगे य 15, एस गं कइवण्णे 4 50 ? गोयमा! पंचवण्णे जहेव कोहे / अह भंते ! लोभे इच्छा मुच्छा कंखा गेही तण्हा भिज्झा अभिज्झा आसासणया पत्थणया 10 लालप्पणया कामासा भोगासा जीवियासा मरणासा गंदिरागे 16, एस णं कइवण्णे 4 50 ? गोयमा ! जहेव कोहे / अह भंते ! पेज्जे दोसे कलहे जाव मिच्छादसणसल्ले एस गं कइवण्णे 4 प० ? जहेव कोहे तहेव जाव चउफासे // 448 // अह : भंते ! पाणाइवायवेरमणे जाव परिग्गहवेरमणे, कोहविवेगे जाव मिच्छादसण. सल्लविवेगे एस गं कइवण्णे जाव कइफासे पण्णत्ते ? गोयमा ! अवणे अगंधे अरसे अफासे पण्णत्ते / अह भंते ! उप्पत्तिया वेणइया कम्मिया परिणामिया एस णं कइवण्णा 4 प० ? तं चेव जाव अफासा पण्णता / अह भंते ! उग्गहे ईहा अवाए धारणा एस गं कइवण्णा 450? एवं चेव जाव अफासा पण्णत्ता। अह भंते ! उट्ठाणे कम्मे बले बोरिए पुरिसक्कारपरक्कमे एस णं कइवणे 4 प९ ? तं चेव जाव अफासे पण्णत्ते / सत्तमे गं भंते ! उवासंतरे कइवण्णे 4 40 ? एवं चेव जाव अफासे पणत्ते / सत्तमे गं भंते ! तगुवाए कइवण्णे 4 50 ? जहा पाणाइवाए, णवरं अट्ठफासे पण्णत्ते, एवं जहा सत्तमे तणुवाए तहा
