________________ भगवई स. 12 उ. 4 731 बारसमं सयं चउत्थो उद्देसो रायगिहे जाव एवं वयासी-दो भंते ! परमाणुपोग्गला एगयओ साहणंति एगयओ साहण्णिता कि भवइ ? गोयमा ! दुप्पएसिए खंधे भवइ, से भिज्ज. 'माणे दुहा कज्जइ एगयओ परमाणुपोग्गले एगयओ परमाणुपोग्गले भवइ / तिण्णि भंते ! परमाणुपोग्गला एगयओ साहणंति 2 ता कि भवइ ? गोयमा ! तिपएसिए खंधे भवइ, से भिज्जमाणे दुहावि तिहावि कज्जइ, दुहा कज्जमाणे एगयओ परमाणुपोग्गले एगयओ दुपएसिए खंधे भवइ, तिहा कज्जमाणे तिण्णि परमाणु. पोग्गला भवंति / चत्तारि भंते ! परमाणुपोग्गला एगयओ साहणंति० पुच्छा, गोयमा ! चउपएसिए खंधे भवइ, से मिज्जमाणे दुहावि तिहावि चउहावि कज्जइ, दुहा कज्जमाणे एगयओ परमाणुपोग्गले एगयओ तिपएसिए खंधे भवइ, अहवा दो दुपएसिया खंधा भवंति, तिहा कज्जमाणे एगयओ दो परमाणुपोग्गला एगयओ दुप्पएसिए खंधे भवइ, चउहा कज्जमाणे चत्तारि परमाणपोग्गला भवंति / पंच भंते ! परमाणुपोग्गला० पुच्छा, गोयमा ! पंचपएसिए खंधे भवइ, से भिज्ज़माणे दुहावि तिहावि चउहावि पंचहावि कज्जइ, दुहा कज्जमाणे एगयओ परमाणुपोग्गले एगयओ चउपएसिए खंधे भवइ अहवा एग. यओ दुपएसिए खंधे भवइ एगयओ तिपएसिए खंधे भवइ, तिहा कज्जमाणे एगयओ दो परमाणुपोग्गला एगयओ तिप्पएसिए खंधे भवइ अहवा एगयओ परमाणुपोग्गले एगयओ. दो दुपएसिया खंधा भवंति, चउहा कज्जमाणे एगयओ तिणिपरमाणुपोग्गला एगयओ दुप्पएसिए खंधे भवइ, पंचहा कज्जमाणे पंच परमाणुपोग्गला भवंति / छन्भंते ! परमाणुपोग्गला० पुच्छा, गोयमा ! छप्पएसिए खंधे भवइ, से भिज्जमाणे दुहावि तिहावि जाव छबिहावि कज्जइ, दुहा कज्जमाणे एगयओ परमाणुपोग्गले एगयओ पंचपएसिए खंधे भवइ अहवा एगयओ दुप्पएसिए खंधे एगयओ चउपएसिए खंधे भवइ अहवा दो तिपएसिया खंधा भवंति, तिहा कज्जमाणे एगयओ दो परमाणुपोग्गला एगयओ चउपएसिए खंधे भवइ अहवा एगयओ परमाणुपोग्गले एगयओ दुपएसिए खंधे एगयओ तिपएसिए खंधे भवइ अहवा तिण्णि दुपएसिया खंधा भवंति, चउहा * कज्जमाणे एगयओ तिण्णि परमाणुपोग्गला एगयओ तिपएसिए खंधे भवइ अहवा एगयओ दो परमाणुपोग्गला भवंति एगयओ दो दुप्पएसिया खंधा भवंति,
