________________ 730 अंग-पविटु सुत्ताणि धम्मजागरियाए अप्पाणं जागरइत्तारो भवंति, एएसि णं जीवाणं जागरियत्तं साहू, से तेणठेणं जयंती ! एवं वुच्चइ अत्थेगइयाणं जीवाणं सुत्तत्तं साहू अत्थेगइयाणे जीवाणं जागरियत्तं साह / बलियत्तं भंते ! साह, दुब्बलियत्तं साहू ? जयंती ! अत्थेगइयाणं जीवाणं बलियत्तं साहू अत्थेगइयाणं जीवाणं दुब्बलियत्तं साहू। से केणठेणं भंते ! एवं बुच्चइ जाव साहू ? जयंती ! जे इमे जीवा अहम्मिया जाव विहरंति एएसि जं जीवाणं दुब्बलियत्तं साहू, एए णं जीवा एवं जहा सुत्तस्स तहा दुबलियस्स वत्तव्वया भाणियव्वा, बलियस्स जहा जागरस्स तहा भाणियत्वं जाव संजोएत्तारो भवंति, एएसि णं जीवाणं बलियत्तं साहू, से तेण?णं जयंती ! एवं वुच्चइ तं चेव जाव साहू / दक्खत्तं भंते ! साह आलसियत्तं साह ? जयंती ! अत्थेगइयाणं जीवाणं दक्खत्तं साहू अत्थेगइयाणं जीवाणं आलसियत्तं साह / से केणठेण भंते ! एवं बच्चइ तं चेव जाव साहू ? जयंती ! जे इमे जीवा अहम्मिया जाव विहरंति एएसि णं जीवाणं आलसियत्तं साहू, एए णं जीवा आलसा समाणा णो बहूणं जहा सुत्ता तहा आलसा भाणियव्वा, जहा जागरा तहा दक्खा भाणियव्वा जाव संजोएत्तारो भवंति, एए णं जीवा दक्खा समाणा बाहिं आयरियवेयावच्चेहि उवज्झाय० थेर० तवस्सि० गिलाणवेयावच्चेहि सेहवेयावच्चेहि कुलवेयावच्चेहि गणवेयावच्चेहि संघवेयावच्चेहि साहम्मियवेयावच्चेहि अत्ताणं संजोएत्तारो भवंति, एएसि णं जीवाणं दक्खं साह, से तेणछैणं तं चेव जाव साह / सोइंदियवसट्टे णं भंते ! जीवे कि बंधइ ? एवं जहा कोहवसट्टे तहेव जाव अणुपरियट्टइ / एवं चक्खिदियवसट्रेवि, एवं जाव फासिदियवसट्टेवि जाव अणुपरियट्टइ / तए णं सा जयंती समणोवासिया समणस्स भगवओ महावीरस्स अंतियं एयमझें सोच्चा णिसम्म हटता सेसं जहा देवाणंदाए तहेव पव्वइया जाव सव्वदुक्ख. प्पहीणा / सेवं भंते ! 2 त्ति // 442 // बारसमं सयं तइओ उद्देसो रायगिहे जाव एवं वयासी-कइ णं भंते ! पुढवीओ पण्णत्ताओ ? गोयमा ! सत्त पुढवीओ पण्णत्ताओ, तंजहा-पढमा दोच्चा जाव सत्तमा। पढमा ण भंते ! पुढवी किंणामा किंगोता पण्णत्ता ? गोयमा! घम्मा णामेणं रयणप्पभा गोत्तेणं, एवं जहा जीवाभिगमे पढमो रइयउद्देसओ सो चेव णिरवसेसो भाणियन्वो जाव अप्पाबहुगंति / सेवं भंते ! सेवं भंते ! ति // 443 // .
