________________ आयारो सु. 2 अ. 2 उ. 3 61 मिसिया वा णालिया वा चेले वा चिलिमिली वा चम्मए वा चम्मकोसए वा चम्मछेदणए वा दुब्बद्धे दुण्णिक्वित्ते अणिकंपे चलाचले भिक्खू य राओ वा वियाले वा शिकाबममाणे वा पविसमाणे वा पयलिज्ज वा पवडेज वा, से तत्थ पयलेमाणे वा पवडेमाणे वा, हत्थं वा पायं वा जाव इंदियजायं वा लूसेज्ज वा, पाणाणि जाव सत्ताणि वा, अभिहणेज्ज वा जाव ववरोवेज्ज वा, अह भिक्खूणं पुव्वोवइट्टा जाव जं तहपगारे उवस्सए पुरा हत्थेणं पच्छा पाएणं तओ संजयामेव णित्रमेज्ज वा पविसेज्ज वा / / 687 // से आगंतरेसु वा अणुवीइ उवस्सयं जाए ज्जा, जे तत्थ ईसरे जे तत्थ समहिढाए, ते उवस्सयं अणुण्णवेज्जा, कामं खलु आउसो ! अहालंदं अहापरिण्णायं वसिस्सामो जाव आउसंतो जाव आउसंतस्स उवस्सए जाव साहम्मियाएं तओ उवस्मयं गिहिस्सामो तेण परं विहरिस्सामो // 688 // से भिक्खू वा 2 जस्सुवस्सए संवसिज्जा तस्स पुवामेव णामगोयं जाणिज्जा तओ पच्छा तस्स गिहे णिमंतेमाणस्स अणिमंतेमाणस्स वा असणं वा 4 अफासुयं जाव णो पडिग्गाहिज्जा / / 689 / / से भिक्खू वा 2 से जं पुण उवस्सयं जाणिज्जा ससा. गारियं सागणियं सउदयं णो पण्णस्स णिक्खमणपवेसणाए, णो पण्णस्स वायण जाव धम्माणुओग चिंताए, तहप्पगारे उवस्सए णो ठाणं वा सेजं वा णिसीहियं वा चेए जा // 690 // से भिक्खू वा 2 से जं. पुण उवस्सयं जाणिज्जा गाहावइकुलस्स मझ मज्झेणं गंतुं पंथर पडिबद्धं णो पण्णस्स णिक्रमण जाव चिंताए तहपगारे उवस्सए णो ठाणं वा सेनं वा णिसीहियं वा चेए ज्जा / / 691 // से भिक्खू वा 2 से जे पुण उवस्मयं जाणिज्जा इह खलु गाहावई वा जाव कम्मकरीओ वा अण्णमण्णमकोसंति वा जाव उद्दवेंति वा णो पण्णस्स जाव चिंताए सेवं णचा तहप्पगारे उवस्सए णो ठाणं वा जाव चेएज्जा // 692 / / से भिक्खू वा 2 से ज पुण उवस्सयं नाणिज्जा इह खलु गाहावई वा जाव कम्मकरीओ वा अण्णमण्णस्स गायं तेल्लेण वा घएण वा णवणीएण वा, वसाए वा अन्भंगेति वा मक्खेंति वा णो पण्णस्स जाव चिंताए, तहप्पगारे उवस्सए णो ठाणं वा जाव चेएज्जा // 693 // से भिक्खू वा, 2 से जं पुण उवस्सयं जाणिज्जा, इह खलु गाहावई वा जाव कम्मकरीओ वा, अण्णमण्णस्स गायं सिणाणेण वा कक्केण वा लोहेण वा वण्गेण वा चुण्गेण वा पउमेण वा, आवंसंति वा पधंसंति वा उव्वलंति वा उव्यष्टिति वा णो पण्णस्स णिक्खमण जाव
