________________ 60 अंग-पविट्ठ सुत्ताणि गइया सट्टा भवंति तंजहा-गाहावई वा जाव कम्मकरीओ वा तेसिं च णं आयार. गोयरे णो सुणिसंते भवइ जावतं रोयमाणेहिं एक्क समणजायं समुहिस्स तत्थ तत्थ अगारीहिं अगाराई चेइयाई भवंति,तंजहा-आएसणाणि वा जाव भवणगिहाणि वा, महया पुढवीकायसमारंभेणं एवं महया आउ-तेउ-वाउ-वणस्सइ-तसकायसमारंभेणं महया संरंभेणं महया सभारंभेणं महया आरंभेणं महया विरूवरूवेहिं पावकम्मेहिं तंजहा छायणओ,लेवणओ, संथारदुवारपिहणाओ,सीतोदए वा परिढवियपुब्वे भवइ, अगणिकाए वा उज्जालियपुवे भवइ, जे भयंतारो तहप्पगाराई आए सणाणि वा जाव भवणगिहाणि वा उवागच्छंति इमराइयरेहिं पाहुडेहिं वहति दुपक्खं ते कम्म सेवंति अयमाउसो ! महासावज्जकिरिया या वि भवइ // 682 / / इह खलु पाईणं वा जाव तं रोयमाणेहिं अप्पणो सअट्ठाए तत्थ 2 अगारीहिं जाव भवणगिहाणि वा, महया पुढविकायसमारंभेणं जाव अगणिकाए वा उज्जालियपुव्वे भवइ जे भयंतारो तहप्पगाराइं आए सणाणि वा जाव भवणगिहाणि वा उवागच्छंति इयराइयरेहिं पाहडेहिं वटुंति एगपक्खं ते कम्म सेवंति अयमाउसो! अप्पसावज्जा किरिया या वि भवइ / / 683 / / एस खलु तस्स भिक्खुस्स भिक्खुणीए वा सामग्गियं // 684 // सेज्जाज्झयणस्स बीओडेसो समत्तो॥ __ “से य णो सुलभे फासुए उंछे अहेसणिज्जे णो य खलु सुद्धे इमेहिं, पाहुडेहिं, तंजहा-छायणओ, लेवणओ संथारदुवारपिहणओ पिंडवाएसणाओ से य भिक्खू चरियारए ठाणरए णिसीहियारए सेज्जासंथारपिंडवाए सणारए" संति भिक्खुणो एव मक्खाइणो उज्जुया णियागपडिवण्णा अमायं कुव्वमाणा वियाहिया // 685 // संतेगइआ पाहुडिया उक्खित्तपुथ्वा भवइ एवं णिक्खित्तपुष्वा भवइ परिभाइयपुव्वा भवइ परिभुत्तवा भवइ परिट्ठवियपुवा भवइ एवं वियागरेमाणे समियाए वियागरेइ ? हंता भवइ // 686 / / से भिक्खू वा 2 से जं पुण उवस्मयं जाणिजा खुड्डियाओ खुड्दुवारियाओ णीयाओ संनिरुद्धाओ भवंति, तहप्पगारे उवस्सए राओ वा विआले वा णिक्खममाणे वा पविसमाणे वा पुरा हत्थेण वा पच्छा पाएण वा तओ संजयामेव णिक्खमेज वा पविसेज वा, केवली बूया, 'आयाणमेयं' जे तत्थ समणाण वा माहणाण वा छत्तए वा मत्तए वा दंडए वा लट्ठिया वा
