________________ अंग-पविट्ठ सुत्ताणि बारसमं सयं पढमो उद्देसो संखे 1 जयंति 2 पुढवी 3 पोग्गल 4 अइवाय 5 राहु 3 लोगे ये 7 / णागे य 8 देव 6 आया 10 बारसमसए दसुद्देसा // 1 // तेणं कालेणं तेणं समएणं सावत्थी णयरी होत्था वण्णओ, कोटुए चेइए वण्णओ, तत्थ गं सावत्थीए णयरीए बहवे संखप्पामोक्खा समणोवासया परिवसंति, अडा जाव अपरिभया अभिगयजीवाजीवा जाव विहरंति। तस्स णं संखस्स समणोवासगस्स उप्पला णामं भारिया होत्था, सुकुमाल जाव सुरूवा समणोवासिया अभिगयजीवाजीवा जाव विहरइ / तत्थ णं सावत्थीए णयरीए पोक्खली णाम समणोवासए परिवसइ अड्ढे अभिगय जाव विहरइ / तेणं कालेणं तेणं समएणं सामी ससोसढे परिसा णिग्गया जाव पज्जुवासइ / तए णं ते समणोवासया इमीसे कहाए जहा आलभियाए जाव पज्जुवासंति, तए णं समणे भगवं महावीरे तेसि समणोवासगाणं तीसे य महइ० धम्मकहा जाव परिसा पडिगया। तए णं ते समणोवासया समणस्स भमवओ महावीरस्स अंतियं धम्म सोच्चा णिसम्म हतवा समणं भगवं महावीरं वदति णमंसंति वं० 2 ता पसिणाई पुच्छंति 2 ता अट्ठाई परियाइयंति अ० 2 ता उट्ठाए उट्ठति उ० 2 त्ता समणस्स भगवओ महा. वीरस्स अंतियाओ कोट्टयाओ चेइयाओ पडिणिक्खमंति 2 ता जेणेव सावत्थी णयरी तेणेव पहारेत्थ गमणाए // 436 // तए णं से संखे समणोवासए ते समणोवासए एवं वयासी-तुब्भे गं देवाणुप्पिया ! विउलं असणं पाणं खाइमं साइमं उवक्खडावेह, तए णं अम्हे तं विउलं असणं पाणं खाइमं साइमं आसाएमाणा विस्साएमाणा परिभुजेमाणा परिभाएमाणा पक्खियं पोसहं पडिजागरमाणा विहरिस्सामो / तएणं ते समणोवासया संखस्स समणोवासगस्स एयमढ़ विण. एणं पडिसुर्णेति। तए णं तस्स संखस्स समणोवासगस्स अयमेयारूवे अज्झथिए जाव समुप्पज्जित्था-णो खलु मे सेयं तं विउलं असणं जाव साइमं आसाएमाणस्स 4 पक्खियं पोसहं पडिजागरमाणस्स विहरित्तए, सेयं खलु मे पोसहसालाए पोसहियस्स बंभयारिस्स उम्मुक्कमणिसुवण्णस्स ववगयमालावण्णगविलेवणस्स णिक्खित्तसत्थमुसलस्स एगस्स अबिइयस्स दब्भसंथारोवगयस्स पक्खियं पोसहं पडिजागरमाणस्स विहरित्तएत्तिकटु एवं संपेहेइ 2 ता जेणेव सावत्थी णयरी
