________________ भगवई स. 11 उ. 12 723 जाव आयावेमाणस्स पगइभद्दयाए जहा सिवस्स जाव विभंगे णामं अण्णाणे समुप्पण्णे / सेणं तेणं विभंगेणं अण्णाणेणं समुप्पण्णेणं बंभलोए कप्पे देवाणं ठिई जाणइ पासइ / तए णं तस्स पोग्गलस्स परिव्वायगस्स अयमेयारूवे अज्झ. थिए जाव समुप्पज्जित्था-अत्थि णं ममं अइसेसे पाणदंसणे समुप्पण्णे, देवलोएसु णं देवाणं जहण्णेणं दसवाससहस्साई ठिई प०, तेण परं समयाहिया दुसमयाहिया जाव असंखेज्जसमयाहिया उक्कोसेणं दससागरोवमाई ठिई 50, तेण परं वोच्छिण्णा देवा य देवलोगा य, एवं संपेहेइ 2 ता आयावणभूमीओ पच्चोरुहइ आ० 2 ता तिदंडकुंडिया जाव धाउरताओ य गेण्हइ 2 ता जेणेव आलभिया णयरी जेणेव परिव्वायगावसहे तेणेव उवागच्छइ 2 ता भंडणिक्खेवं भं० 2 ता आलभियाए णयरीए सिंघाडग जाव पहेसु अण्णमण्णस्स एव. माइक्खइ जाव परूबेइ-अस्थि णं देवाणुप्पिया ! ममं अइसेसे णाणदंमणे समु. प्पण्णे, देवलोएसु णं देवाणं जहणणं दसवाससहस्साइं तहेव जाव वोच्छिण्णा देवा य देवलोगा य / तए णं आलभियाए णयरीए एएणं अभिलावेणं जहा सिवस्स तं चेव जाव से कहमेयं मण्णे एवं ? सामी समोसढे जाव परिसा पडिगया, भगवं गोयमे तहेव भिक्खायरियाए तहेव बहुजणसहं णिसामेइ तहेव बहुजणसई णिसामेत्ता तहेव सव्वं भाणियव्वं जाव अहं पुण गोयमा! एवं आइक्खामि एवं भासामि जाव परूवेमि-देवलोएसु णं देवागं जहण्णणं दस वाससहस्साई ठिई पण्णता, तेण परं समयाहिया दुसमयाहिया जाव उक्कोसेणं तेत्तीसं सागरोव. माइं ठिई पण्णत्ता, तेण परं वोच्छिण्णा देवा य देवलोगा य / अस्थि णं भंते ! सोहम्मे कप्पे दव्वाइं सवण्णाइंपि अवण्णाइंपि तहेव जाव हता अस्थि, एवं ईसाणेवि, एवं जाव अच्चुए, एवं गेवेज्जविमाणेसु अणुत्तरविमाणेसु वि ईसिपब्भाराएवि जाव हंता अस्थि / तए णं सा महइमहालिया जाव पडि. गया। तए णं आलभियाए णयरीए सिंघाडगतिय० अवसेसं जहा सिवस्स जाव सव्वदुक्खप्पहीणे णवरं तिदंडकुडियं जाव धाउरत्तवत्थपरिहिए परिवडिय. विभंगे आलंभियं णयरं मज्झमज्झेणं णिग्गच्छइ जाव उत्तरपुरस्थिमं दिसीभागं अवक्कमइ 2 ता तिदंडं कुंडियं च जहा खंदओ जाव पव्वइओ सेसं जहा सिवस्स जाव अव्वाबाहं सोक्खं अणुभवंति सासयं सिद्धा / सेवं भंते ! 2 ति॥४३५॥ एक्कारसं सयं समत्तं
