________________ भगवई स. 11 उ. 11 717 करणे संपत्ते बारसाहदिवसे विउलं असणं पाणं खाइमं खाइमं उवक्खडावेंति 2 ता जहा सिवो जाव खत्तिए य आमंतेति 2 ता तओ पच्छा व्हाया तं चेव जाव सक्कारेंति सम्माणेति स० 2 तस्सेव मित्तणाइ जाव राईण य खत्तियाण य पुरओ अज्जयपज्जयपिउपज्जयागयं बहपुरिसपरंपरप्परुढं कुलाणरूवं कुलसरिसं कुलसंताणतंतुवद्धणकरं अयमेयारूवं गोण्णं गुणणिप्फणं णामधेज्जं करेंति-जम्हा णं अम्हं इमे दारए बलस्स रणो पुत्ते पभावईए देवीए अत्तए तं होउ णं अम्हं एयस्स दारगस्स णामधेज्ज महब्बले, तए णं तस्स दारगस्स अम्मापियरो णामधेज करेंति महब्बलेत्ति / तए णं से महब्बले दारए पंच. धाईपरिग्गहिए, तंजहा-खीरधाईए एवं जहा दढपइण्णे जाव णिव्वायणिव्वाघायंसि सुहंसुहेणं परिवड्डइ / तए णं तस्स महब्बलस्स दारगस्स अम्मापियरो अणपुवेणं ठिइवडियं वा चंदसूरदंसावणियं वा जागरियं वा णामकरणं वा परंगामणं वा पयचंकमणं वा जेमावणं वा पिंडवद्धणं वा पजंपावणं वा कण्ण. वेहणं वा संवच्छरपडिलेहणं वा चोलोयणगंच उवणयणं च अण्णाणि य बहूणि गब्भाहाणजम्मणमाइयाई कोउयाई करेंति / तए णं तं महब्बलं कुमार अम्मापियरो साइरेगट्ठवासगं जाणित्ता सोभणंसि तिहिकरणणक्खत्तमहत्तंसि० एवं जहा दढप्पइण्णे जाव अलंभोगसमत्थे जाए यावि होत्था / तए णं तं महब्बलं कुमारं उम्मक्कबालभावं जाव अलं भोगसमत्थं विजाणित्ता अम्मापियरो अट्ट पासायवडेंसए करेंति, अन्भग्गयमसियपहसिए इव वण्णओ जहा रायप्पसेणइज्जे जाव पडिरूवे, तेसि गं पासायवडेंसगाणं बहुमज्झदेसभाए एत्थ गं महेगं भवणं कारेंति अणेगखंभसयसंणिविट्ठ वण्णओ जहा रायप्पसेणइज्जे पेच्छाघरमंडवंसि जाव पडिरूवे // 428 // तए णं तं महब्बलं कुमारं अम्मापियरो अण्णया कयाइ सोभणंसि तिहिकरणदिवसणक्खत्तमुत्तंसि हायं कयबलिकम्मं कयकोउ. यमंगलपायच्छित्तं सव्वालंकारविभूसियं पमक्खणगण्हाणगीयवाइयपसाहणढें. गतिलग कंकणअविहववहुउवणीयं मंगलसुजंपिएहि य वरकोउयमंगलोवयारकयसंतिकम्म सरिसियाणं सरित्तयाणं सरिव्वयाणं सरिसलावण्णरूवजोव्वणगणोव. वेयाणं विणीयाणं कयकोउयमंगलपायच्छित्ताणं सरिसएहिं रायकुलेहितो आणि. 'ल्लियाणं अट्टाहं रायवरकण्णाणं एगदिवसेणं पाणि गिहाविसु / तए णं तस्स महाबलस्स कुमारस्स अम्मापियरो अयमेयारूवं पीइदाणं दलयंति २०-अट्ठ
