________________ 716 अंग-पबिटु सुत्ताणि अहीणपडिपुण्णचिदियसरीरं लक्खणवंजणगुणोबवेयं जाव सरिसोमाकारं कंतं पियदंसणं सुरूवं दारयं पयाया। तए णं तीसे पभावईए देवीए अंगपडियारियाओ पभावई देवि पसूयं जाणेत्ता जेणेव बले राया तेणेव उवागच्छंति तेणेव उवागच्छित्ता करयल जाव बलं रायं जएणं विजएणं वद्धावेंति जएणं विजएणं वद्धावेत्ता एवं वयासी-एवं खलु देवाणुप्पिया ! पभावई देवी णवण्हं मासाणं बहुपडिपुण्णाणं जाव दारगं पयाया तं एयग्णं देवाणुप्पियाणं पियट्टयायं पियं णिवेदेमो पियं भे भवउ / तए णं से बले राया अंगपडियारियाणं अंतियं एयमळं सोच्चा णिसम्म हद्वतुट्ठ जाव धाराहयणीव जाव रोमकवे तासि अंगपडियारियाणं मउडवज्जं जहामालिथं ओमोयं दलयइ 2 त्ता सेयं रययामयं विमलसलिलपुण्णं भिगारं च गिण्हइ गिण्हित्ता मत्थए धोवइ धोवित्ता विउलं जीवियारिहं पीइदाणं दलय पीइदाणं दल इत्ता सक्कारेइ सम्माणेइ स० 2 ता पडिविसज्जेइ // 427 // तए णं से बले राया कोडुंबियपुरिसे सद्दावेइ सहावेत्ता एवं वयासी-खिप्पामेव भो देवाणुप्पिया ! हथिणापुरे णयरे चारगसोहणं करेह चारग० 2 ता माणुम्माणवडणं करेह मा० 2 त्ता हथिगापुरं णयरं सभितर बाहिरियं आसियसंमज्जिओवलितं जाव करेह य कारवेह य करेत्ता य कारवेत्ता य जयसहस्सं वा चक्कसहस्सं वा पूयामहामहिमसक्कारं वा उस्सवेह 2 ता ममेयमाणत्तियं पच्चप्पिणह / तए गं ते कोडुंबियपुरिसा बलेणं रणा एवं वृत्ता समाणा जाव पच्चप्पिणंति / तए णं से बले राया जेणेव अट्टणसाला तेणेव उवागच्छइ तेणेव उवागच्छित्ता तं चेव जाव मज्जणघराओ पडिणिक्खमइ पडिणिक्ख मित्ता उस्सुक्कं उत्करं उक्किळं अदिज्जं अमिज्ज अभडप्पवेसं अदंडकोदंडिमं अधरिमं गणियावरणाडइज्जकलियं अणेगतालाचराणुचरियं अणुद्ध यमुइंगं अमिलायमल्लदामं पमुइयपक्कीलियं सपुरजणजाणवयं दसदिवसे ठिइवडियं करेइ / तए णं से बले राया दसाहियाए ठिइवडियाए वट्टमाणीए सइए य साहस्सिए य सयसाहस्सिए य जाए य दाए य भाए य दलमाणे य दबावेमाणे य सइए य साहस्सिए य रायसाहस्सिए य खंभे पडि. च्छमाणे य पडिच्छावेमाणे य एवं विहरइ। तए णं तस्स दारगस्स अम्मापियरो पढमे दिवसे ठिइवडियं करेइ, तइए दिवसे चंदसूरदंसगियं करेइ, छठे दिवसे जागरियं करेइ, एक्कारसमे दिवसे वीइक्कते णिवत्ते असुइजायकम्म
