________________ भगवई स. 11 उ. 1 695 गोयमा ! जहणेणे अंगुलस्स असंखेज्जइभागं उक्कोसेणं साइरेगं जोयणसहस्सं 4 / ते ण भंते ! जीवाणाणावरणिज्जस्स कम्मरस किं बंधगा अबंधगा? गोयमा! जो अबंधगा बंधए वा बंधगा वा / एवं जाव अंतराइयस्स, गवरं आउयस्स पुच्छा, गोयमा ! बंधए वा अबंधए वा बंधगा वा अबंधगावा अहवा बंधए य अबंधए य अहवा बंधए य अबंधगा य अहवा बंधगाय अबंधए य अहवा बंधगा य अबंधगा य 8 एए अट्ट मंगा 5 / तेणं भंते ! जीवा णाणावरणिज्जस्स कम्मस्स कि वेयगा अवेयगा? गोयमा ! णो अवेयगा वेयए वा वेयगा वा एवं जाव अंतराइयस्स / ते णं भंते ! जीवा किं सायावेयगा असायावेयगा ? गोयमा! सायावेयएं वा असायावेयए वा अट्ट भंगा 6 / ते णं भंते ! जीवा णाणावर. णिज्जस्स कम्मस्स कि उदई अणुदई ? गोयमा! अणुदई उदई वा उदइणो वा, एवं जाव अंतराइयस्स 7 / ते गं भंते ! जीवा.णाणावरणिज्जस्स कम्मस्स कि उदीरगा० ? गोयमा ! णो अणुदीरगा उदीरए वा उदीरगा वा, एवं जाव अंतराइयस्स, णवरं वेयणिज्जाउएसु अट्ठ भंगा 8 ते णं भंते ! जीवा कि कण्हलेसा णीललेसा काउलेसा तेउलेसा? गोयमा! कण्हलेसे वा जाव तेउलेसे वा कण्हलेस्सा वा णीललेस्सा वा काउलेसा वा तेउलेस्सा वा अहवा कण्हलेसे य गील. लेस्से य एवं एए दुयासंजोगतियासंजोगचउक्कसंजोगेणं असीई भंगा भवंति 6 / तेणं भंते ! जीवा किं सम्मद्दिट्ठी मिच्छादिट्ठी सम्मामिच्छादिट्ठी? गोयमा! णो सम्मदिट्ठी णो सम्मामिच्छादिट्ठी मिच्छादिट्ठी वा मिच्छादिट्ठिणो वा 10 / ते णं भंते ! जीवा कि णाणी अण्णाणी ? गोयमा ! णो णाणी अण्णाणी वा अण्णाणिणो वा 11 / ते गं 'भंते ! जीवा कि मणजोगी वइजोगी कायजोगी ? मोयमा ! जो मणजोगी जो वइजोगी कायजोगी वा कायजोगिणो वा 12 / ते णं भंते ! जीवा किं सागारोवउत्ता अणागारोवउत्ता ? गोयमा! सागारोवउत्ते वा अणागारोवउत्ते वा अट्ठ भंगा 13 / तेसि गं भंते ! जीवाणे सरीरंगा कइवण्णा कइगंधा कइरसा कइकासा प. ? गोयमा ! पंचवण्णा पंचरसा दुगंधा अट्टफासा प०, ते पुण अप्पणा अवण्णा अगंधा अरसा अफासा प०१४-१५॥ ते गं भंते ! जीवा कि उस्सासा णिस्सासा णो उस्सासणिस्सासा.? गोयमा! उस्तासए वा 1 णिस्सासए वा 2 णो उस्सासए हिस्सासए वा 3 उस्सासगा वा 4 णिस्सासगा वा 5 णो उस्सासणीसासगा वा 6
