________________ 694 अंग-पविट्ठ सुत्ताणि महिढिए जाव महासोक्खे सक्के देविदे देवराया। सेवं भंते ! 2 ति // 406 // दसमं सयं 7-34 उद्देसा कहिण्णं भंते ! उत्सरिल्लाणं एगोरुयमणुस्साणं एगोरुयदीवे णामं दीवे पण्णत्ते! एवं जहा जीवाभिगमे तहेव गिरवसेसं जाव सुद्धदंतदीवोति, एए अट्ठावीसं उद्देसगा भाणियव्वा / सेवं भंते ! 2 त्ति जाव बिहरइ // 407 / / दसमं सयं समत्तं ॥एक्कारसं सयं पढमो उद्देसो॥ उप्पल 1 सालु 2 पलासे 3 कुंभी 4 णाली य 5 पउम 6 कण्णी 7 य / पलिण 8 सिव 9 लोग 10 काला 11 लभिय 12 दस दो य एक्कारे // 1 // उववाओ 1 परिमाणं 2 अवहारु 3 च्चत्त 4 बंध 5 वेए 6 य / उदए 7 उदी. रणाए 8 लेसा 6 दिट्ठी 10 य गाणे 11 य // 1 // जोग 12 वओगे 13 वण्ण 14 रसमाई 15 ऊसासगे 16 य माहारे 17 / विरई 18 किरिया 19 बंधे 20 सण 21 कसायि 22 स्थि 23 बंधे 24 य // 2 // सणि 25 दिय २६अणुबंधे 27 संबेहा 28 हार 26 ठिइ 30 समुग्घाए 31 / चयणं 32 मलाईसु य उववाओ 33 सम्बजीवाणं // 3 // तेणं कालेणं तेणं समएणं रायगिहे जाव पज्जवासमाणे एवं वयासी-उप्पले गं भंते ! एगपत्तए कि एगजीवे अणेंगजीवे ? गोयमा ! एगजीवे गो अणेगजीवे, तेण परं जे अण्णे जीवा उववज्जति तेज णो एगजीवा अणेगजीवा / ते गं भंते ! जीवा कओहितो उववज्जति किं णेरइएहितो उववज्जति तिरिक्खमणुस्सदेवेहितो उववज्जति ? गोयमा ! णो रइएहितो उबवज्जति तिरिक्खजोणिएहितोवि उववज्जति मणुस्सेहितो. देवेहितोवि उबवज्जति, एवं उववाओ भाणियन्वो जहा वक्कंतीए वणस्सइकाइयाइयाणं नाव ईसाणेत्ति 1 / ते ण भंते ! जीवा एगसमएणं केवल इया उववज्जति ? गोयमा ! जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा उववज्जति 2 / ते गं भंते ! जीवा समए 2 अव. हीरमाणा 2 केवइयकालेणं अवहीरंति ? गोयमा ! ते णं असंखेज्जा समए 2 अवहीरमाणा 2 असंखेज्जाहिं उस्सप्पिणिओसप्पिणि अवहीरंति णो चेव गं अवहिया सिया 3 / तेसि णं भंते ! जीवाणं केमहालिया सरीरोगाहणा पण्णत्ता ?
