________________ 690 अंग-पविट्ट सुत्ताणि देवीसहस्साई परियारं विउवित्तए? एबामेव सपुवावरेणं चत्तालीसं देवीसहस्सा, से तं तुडिए। पभू णं भंते ! चमरे असुरिंदे असुरकुमारराया चमरचंचाए रायहा• जीए सभाए सुहम्माए चमरंसि सोहासणंसि तुडिएणं सद्धि दिव्वाई भोगभोगाई भुंजमाणे विहरित्तए?णो इणठे समठे / से केण?णं भंते ! एवं वुच्चइ-णो पभू चमरे असुरिंदे चमरचंचाए रायहाणीए जाव विहरित्तए ? अज्जो ! चमरस्स णं असुरिंदस्स असुरकुमाररण्णो चमरचंचाए रायहाणीए समाए सुहम्माए माणवए चेइयखंभे वइरामएसु गोलवट्टसमुग्गएसु बहूओ जिणसकहाओ संण्णि. क्खिताओ चिट्ठति, जाओ णं चमरस्स 3 अण्णेसि च बहूणं असुरकुमाराणं देवाण य देवीण य अच्चणिज्जाओ 3. पूणिज्जाओ 3 कल्लाणं 4 पज्जुवास. णिज्जाओ भवंति तेसि पणिहाए णो पभू, से तेणठेणं अज्जो ! एवं वुच्चइणो पभू चमरे असुरिंदे जाव राया चमरचंचाए जाव विहरित्तए / पभू णं अज्जो ! चमरे असुरिंदे असुरकुमारराया चमरचंचाए रायहाणीए समाए सुहम्माए चमरंसि सीहासणंसि चउसठ्ठीए सामाणियसाहस्सोहिं तायत्तीसाए जाव अण्णेहिं य बहूहि असुरकुमारेहिं देवेहि य देवीहि य सद्धि संपरिवुडे महयाहय जाव भंजमाणे बिहरित्तए ? केवलं परियारिड्ढीए णो चेव णं मेहणवत्तियं // 404 // चमरस्स णं भंते ! असुरिंदस्स असुरकुमाररण्णो सोमस्स महारणो कइ भग्गमहिसीओ पण्णत्ताओ ? अज्जो ! चत्तारि अग्गमहिसीओ पण्णताओ, तंजहा-कणगा कणगलया चित्तगत्ता वसंधरा, तत्थ णं एगमेगाए देवीए एगमेगं देविसहस्सं परिवारे पण्णत्ते, पभूणं ताओ एगमेगाए देवीए अण्णं एगमेगं देविसहस्सं परियारं विउवित्तए ? एवामेव सपुव्वावरेणं चत्तारि देविसहस्सा, सेत्तं तुडिए। पभू णं भंते ! चमरस्स असुरिंदस्स असुरकुमाररण्णो सोमे महाराया सोमाए रायहाणीए समाए सुहम्माए सोमंसि सोहासणंसि तुडिएणं अवसेसं जहा चमरस्स, णवरं परियारो जहा सूरियामस्स, सेसंतंचेव, जाव णो चेवणं मेहणवत्तियं / चमरस्स णं भंते ! जाव रण्णो जमस्स महारष्णो कइ अग्ग. महिसीओ ? एवं चेव णवरं जमाए रायहाणीए सेसं जहा सोमस्स, एवं वरुण. स्सवि, णवरं वरुणाए रायहाणीए, एवं वेसमणस्सवि णवरं वेसमणाए रायहाणीए सेसं तं चेव जाव मेहुणवत्तियं / बलिस्स णं भंते ! 'वइरोणिदस्स पुच्छा ? अज्जो ! पंच अग्गमहिसीओ पण्णत्ताओ, तंजहा-सुभा णिसुंभा रंभा
