________________ भगवई स. 10 उ. 5 689 कुमाररण्णो तायत्तीसगा देवा 2 ?हता अत्थि। से केणठेणं जाव तायत्तीसगा देवा 2 ? गोयमा ! धरणस्स णागकुमारिदस्स णागकुमाररण्णो तायत्तीसगाणं देवाणं सासए णामधेज्जे पण्णत्ते जंण कयाइ णासी जाव अण्णे चयंति अण्णे उववजंति, एवं भूयाणंदस्सवि, एवं जाव महाघोसस्स / अस्थि गं भंते ! सक्कस्स देविदस्स देवरणो० पुच्छा ? हंता अस्थि / से केणठेणं भंते ! जाव तायत्तीसगा देवा 2 ? एवं खलु गोयमा ! तेणं कालेणं तेणं समएणं इहेव जंबहीवे दीवे मारहे वासे पालासए णामं संणिवेसे होत्था वण्णओ, तत्थ णं पालासए सण्णिवेसे तायत्तीसं सहाया गाहावई समणोवासया जहा चमरस्स जाव विहरंति / तर ते तायत्तीसं सहाया गाहावई समणोवासया पुग्विपि पच्छावि उग्गा उग्गविहारी संविग्गा संविग्गविहारी बहूई वासाई समणोवासगपरियागं पाउणंति पाउणित्ता मासियाए संलेहणाए अत्ताणं झसेंति झूसित्ता सटि भत्ताई अणसणाए छेदेति 2 ता आलोइयपडिक्कता समाहिपत्ता कालमासे कालं किच्चा जाव उववण्णा, जप्पभिइंच णं भंते ! पालासिगा तायत्तीसं सहाया गाहावई समणोवासमा सेसं जहा चमरस्स जाव अण्णे उववज्जति / अत्थि णं भंते ! ईसाणस्स..? एवं जहा सक्कस्स गवरं चंपाए णयरीए जाव उववण्णा, नप्पभिइंच णं भंते ! चंपिज्जा तायत्तीसं सहाया सेसं तं चेव जाव अण्णे उववज्जति / अस्थि णं भंते ! सणंकुमारस्स देविदस्स देवरण्णो० पुच्छा? हंता अत्थि। से केणठेणं ? जहा धरणस्स तहेव एवं जाव पाणयस्स एवं अच्चयस्स जाब अण्णे उववज्जति / सेवं भंते ! सेवं भंते ! त्ति // 403 // दसमं सयं पंचमो उद्देसो ... तेणं कालेणं तेणं समएणं रायगिहे णाम णयरे गुणसिलए चेहए जाव परिसा पडिगया। तेणं कालेणं तेणं समएणं समणस्स भगवओ महावीरस्स बहवे अंतेवासी थेरा भगवंतो जाइसंपण्णा जहा अट्ठमे सए सत्तमुद्देसए जाव विहरंति / तए णं ते थेरा भगवंतो जायसड्डा आयसंसया जहा गोयमसामी जाव पज्जुवासमाणा एवं वयासी-चमरस्सणं भंते ! असुरिंदस्स असुरकुमार. रण्णो कइ अग्गमहिसीओ पण्णत्ताओ? अज्जो! पंच अग्गमहिसीओ पण्णत्ताओ, तंजहा-काली राई रयणी विज्जू मेहा, तत्थ णं एगमेगाए देवीए अट्ठ देवि. सहस्सा परिवारो पण्णत्तो / पभू णं भंते ! ताओ एगमेगा देवी अण्णाइं अट्ठ
