________________ 682 अंग-पविट्ठ सुत्ताणि तसपाणं हणमाणे किं अण्णयरं तसपाणं हणइ णोअण्णयरे तसपाणे हणइ ? गोयमा ! अण्णयरंपि तसपाणं हणइ णोअण्णयरेवि तसे पाणे हणइ / से केण. ठेणं भंते ! एवं बुच्चइ अण्णयरंपि तसं पाणं हणइ णोअण्णयरेवि तसे पाणे हणइ ? गोयमा ! तस्स णं एवं भवइ एवं खलु अहं एगं अण्णयरं तसं पाणं हणामि से णं एग अण्णयरं तसं पाणं हणमाणे अणेगे जीवे हणइ, से तेणठेणं गोयमा ! तं चेव, एए सव्वेवि एक्कगमा / पुरिसे णं भंते ! इसि हणमाणे कि इसि हणइ णोइसि हणइ ? गोयमा ! इसिपि हणइ णोइसिपि हणइ / से केण. ठेणं भंते ! एवं वुच्चइ नाव णोइसिपि हणइ ? गोयमा ! तस्स गं एवं भवइ एवं खलु अहं एगं इसि हणामि, से णं एगं इसि हणमाणे अणंते जीवे हणइ, से तेणठेणं णिक्खेवओ। पुरिसे णं भंते ! पुरिसं हणमाणे कि पुरिसवेरेणं पुढे णोपुरिसवेरेणं पुढें ? गोयमा ! णियमं ताव पुरिसवेरेणं पुढें, अहवा पुरिसवेरेण य णोपुरिसवेरेण य पुढे अहवा पुरिसवेरेण य णोपुरिसवेरेहि य पुछे, एवं आसं एवं जाव चिल्ललगं जाव अहवा चिल्ललगवेरेण य णो. चिल्ललगवेरेहि य पुढे / पुरिसे णं भंते ! इसि हणमाणे किं इसिवेरेणं पुढे णोइसिवेरेणं पुढे ? गोयमा ! णियमा इसिवेरेण य णोइसिवेरेहि य पुढे // 360 // पुढविक्काइया णं भंते ! पुढविक्काइयं चेव आणमंति वा पाणमंति वा ऊससंति वा णीससंति वा ? हंता गोयमा ! पुढविक्काइए पुढ विक्काइयं चेव आणमंति वा जावणीससंति वा। पुढविक्काइए णं भंते ! आउक्काइयं आणमंति वा जाव णीससंति वा ? हंता गोयमा ! पुढविक्काइए आउक्काइयं आणमंति वा जावणीससंति वा, एवं ते उक्काइयं वाउक्काइयं एवं वणस्सइकाइयं / आउक्काइए गं भंते ! पुढविक्काइयं आणमंति वा पाणमंति वा० ? एवं चेव, आउक्काइए णं भंते ! आउक्काइयं चेव आणमंति वा० ? एवं चेव, एवं तेउवाउवणस्सइ. काइयं / तेउक्काइए णं भंते ! पुढविक्काइयं आणमंति वा० ? एवं जाव वणस्सइकाइए णं भंते ! वणस्सइकाइयं चेव आणमंति वा० ? तहेव / पुढवि. क्काइए णं भंते ! पुढ विक्काइयं चेव आणममाणे वा पाणममाणे वा ऊससमाणे वा णीससमाणे वा कइ किरिए ? गोयमा ! सिय तिकिरिए सिय चउकिरिए सिय पंचकिरिए / पुढविक्काइए णं भंते ! आउक्काइयं आणममाणे वा० ? एवं चेव, एवं जाव वणस्सइकाइयं, एवं आउकाइएणवि सब्वेविभाणियव्वा, एवं
