________________ 676 अंग-पविट सुत्ताणि च्छित्ता छत्ताईए तित्थगराइसए पासइ पासित्ता पुरिससहस्सवाहिणि सीयं ठवेइ 2 ता पुरिससहस्सवाहिणीओ सीयाओ पच्चोरुहइ / तए णं तं जमालि खत्तियकुमारं अम्मापियरो पुरओ काउं जेणेव समणे भगवं महावीरे तेणेव उवागच्छति तेणेव उवागच्छित्ता समणं भगवं महावीरं तिक्खुत्तो जाव णमंसित्ता एवं वयासी-एवं खलु भंते ! जमाली खत्तियकमारे अम्हं एगे पुत्ते इठे कंते जाव किमंग ! पुण पासणयाए ? से जहाणामए-उप्पलेइ वा पउमेइ वा जाव सहस्सपत्तेइ वा पंके जाए जले संवुड्ढे णोवलिप्पइ पंकरएणं णोवलिप्पइ जलरएणं एवामेव जमालीवि खत्तियकुमारे कामेहि जाए भोहिं संवड्ढे णोवलिप्पइ कामरएणं णोवलिप्पइ भोगरएणं णोवलिप्पइ मित्तगाइणियगसयणसंबंधिपरिजणेणं, एस णं देवाणप्पिया ! संसारभयउव्विग्गे भीए जम्मणमरणेणं इच्छइ देवाणुप्पियाण अंतिए मुंडे भवित्ता अगाराओ अणगारियं पव्वइत्तए, तं एयणं देवाणुप्पियाणं अम्हे सीसभिक्खं दलयामो, पडिच्छंतु णं देवाणुप्पिया ! सीसभिक्खं / तए णं समणे० 3 जमालि खत्तियकुमारं एवं वयासी-अहासुहं देवाणुप्पिया ! मा पडिबंधं / तए णं से जमाली खत्तियकुमारे समणेणं भगवया महावीरेणं एवं वुत्ते समाणे हट्ठतुठे समणं भगवं महावीरं तिक्खुत्तो जाव णमंसित्ता उत्तरपुरस्थिमं दिसीभागं अवक्कमइ 2 ता सयमेव आभरणमल्लालंकारं ओमुयइ / तए णं सा जमालिस्स खत्तियकुमारस्स माया हंसल. क्खणेणं पडसाडएणं आभरणमल्लालंकारं पडिच्छइ पडिच्छित्ता हारवारि जाव विणिम्मयमाणी 2 जमालि खत्तियकुमारं एवं वयासी-घडियव्वं जाया ! जइ. यव्वं जाया! परक्कमियध्वं जाया! अस्सिंच गं अट्ठे णो पमाएयव्वंति कट्ट जमालिस्स खत्तियकुमारस्स अम्मापियरो समणं भगवं महावीरं वदंति णमंसंति वंदित्ता णमंसित्ता जामेव दिसि पाउन्भूया तामेव दिसि पडिगया। तए णं से जमाली खत्तियकुमारे सयमेव पंचमुट्ठियं लोयं करेइ 2 ता जेणेव समणे भगवं महावीरे तेणेव उवागच्छइ तेणेव उवागच्छित्ता एवं जहा उसमदत्तो तहेव पव्वइओ णवरं पंचहि पुरिससएहि सद्धि तहेव जाव सव्वं सामाइयमाइयाई एक्कारसं अंगाई अहिज्जइ अहिज्जेता बहूहिं चउत्थछट्ठम जाव मासद्धमासखमर्गोहं विचित्तेहि तवोकम्मेहि अप्पाणं भावेमाणे विहरइ // 384 // तए णं से जमाली अणगारे अण्णया कयाइ जेणेव समणे भगवं महावीरे तेणेव उवागच्छइ तेणेव
