________________ आयारो सु. 2 अ. 1 उ. 11 53 संसढे मंत्तए तहेव दोचा पिंडेसणा / / 642 / / अहावरा तच्चा पिंडेसणा, इह खलु पाईणं वा 4 संतेगइया सड्ढा भवंति गाहावइ वा जाव कम्मकरीओ वा, तेसिं च णं अण्णयरेसु विरूवरूवेसु भायणजाएसु उवणिक्खित्तपुव्वे सिया तंजहा थालंसि वा, पिढरंसि वा सरगंसि वा, परगंसि वा, वरगंसि वा, अह पुण एवं जाणिज्जा, असंसटे हत्थे संसढे मत्ते, संसटे वा हत्थे असंसटे मत्ते से य पडिग्गहधारी सिया पाणिपडिग्गहिए वा, से पुव्वामेव आलोए जा “आउसोत्ति वा, भगिणि त्ति वा, एएणं तुमं असंसटेण हत्थेण संसटेण मत्तेण संसटेण वा हत्थेण असंसटेण मत्तेण अस्सि पडिग्गहगंसि वा पाणिंसि वा णिहटु उचित्तु दलयाहि" तहप्पगारं भोयणजायं सयं वा णं जाएजा, परो वा से देजा, फासुयं एसणिज जाव पडिगाहिज्जा / तच्चा पिंडेसणा।।६४३॥ अहावरा चउत्था पिंडेसणा, से भिक्खू वा, 2 से जं पुण जाणिज्जा, पिहुअं वा, जाव चाउलपलंब वा, अस्सि खलु पडिग्गहियंसि अप्पे पच्छाकम्मे अप्पे पज्जवजाएं, तहप्पगारं पिहुयं वा जाव चाउलपलंबं वा सयं वा णं जाएजा परो वा से देजा जाव पडिमाहिजा / चउत्था पिंडेसणा // 644 // अहावरा पंचमा पिंडेसंणा से भिक्खू वा भिक्खुणी वा, जाव समाणे, उग्गहियमेव भोयणजायं जाणिज्जा, तंजहा सरावंसि वा, डिंडिमंसि वा, कोसगंसि वा, अह पुण एवं जाणिज्जा बहुपरियावण्णे पाणीसु उदगलेवे तहप्पगारं असणं वा 4 सयं वा णं जाएज्जा, जाव पडिगाहिज्जा / पंचमा पिंडेसणा ||645 // अहावरा छट्ठा पिंडेसणा, से भिक्खू वा 2 पग्गहियमेव भोयणजायं जाणिज्जा, जं च सयट्ठाए पग्गहिय जं च परवाए पग्गहियं तं पायपरियावण्णं तं पाणिपरियावण्णं फासुयं बाव पडिगाहिज्जा / छट्ठा पिंडेसणा॥६४६।। अहावरा सत्तमा पिंडेसणा, से भिक्खू वा 2 जाव समाणे बहु उझियधम्मियं भोयणजायं जाणिज्जा, जं चऽण्णे बहवे दुपय-चउप्पय-समण-माहण-अतिहि-किवण-वणीमगा णावखंति तहप्पगारं उज्झियधम्मियं भोयणजायं सयं वा णं जाएज्जा परो वा से दिज्जा जाव फासुयं पडि. गाहिज्जा / सत्तमा पिंडेसणा // इच्चेयाओ सत्त पिंडेसणाओ // 647 / / अहावराओ सत्त पाणेसणाओ, तत्थ खलु इमा पढमा पाणेसणा, असंसटे हत्थे असंसढे मत्ते * तं चेव भाणियव्यं, णवरं चउत्थाए णाणत्तं, से भिक्खू वा 2 जाव समाणे से जं पुण पाणगजायं जाणिज्जा, तंजहा—तिलोदगं वा, तुसोदगं वा, जवोदगं वा,
