________________ 636 अंग-पविट्ठ सुत्ताणि दव्वं च दव्वदेसे य 5 णो दव्वं च दव्वदेसा य 6 सेसा पडिसेहेयव्वा / तिण्णि भंते ! पोग्गलस्थिकायपएसा कि दव्वं दव्वदेसे० ? पुच्छा, गोयमा ! सिय दव्वं 1 सिय दव्वदेसे 2 एवं सत्त भंगा भाणियन्वा जाव सिय दव्वाइंच दव्वदेसे य णो दव्वाइं च दव्वदेसा य / चत्तारि भंते ! पोग्गलत्थिकायपएसा कि दव्वं ? पुच्छा, गोयमा ! सिय दव्वं 1 सिय दव्वदेसे 2 अट्टवि भंगा भाणियवा जाव सिय दवाइं च दव्वदेसा य 8 / जहा चत्तारि भणिया एवं पंच छ सत्त जाव संखेज्जा असंखेज्जा / अणंता भंते ! पोग्गलस्थिकायपएसा कि दध्वं? एवं चेव जाव सिय दव्वाइंच दव्वदेसा य॥३५६॥ केवइया णं भंते ! लोयागासपएसा प० ? गोयमा ! असंखेज्जा लोयागासपएसा प०। एगमेगस्स णं भंते ! जीवस्स केवइया जीवपएसा प० ? गोयमा ! जावइया 'लोयागासपएसा एगमेगस्स णं जीवस्स एवइया जीवपएसा पण्णत्ता // 357 // कइ णं भंते ! कम्मपयडीओ पण्णत्ताओ ? गोयमा ! अट्ठ कम्मपयडीओ पण्णत्ताओ, तंजहा-णाणावरणिज्ज जाव अंतराइयं / णेरइयाणं भंते ! कइ कम्मपयडीओ पण्णत्ताओ? गोयमा! अटू, एवं सव्वजीवाणं अटू कम्मपयडीओठावेयवाओ जाव वेमाणियाणं / णाणावरणिज्जस्स णं भंते ! कम्मस्स केवइया अविभाग. पलिच्छेया प० ? गोयमा ! अणंता अविभागपलिच्छेया प०। रइयाणं भंते ! णाणावरणिज्जस्स कम्मस्स केवइया अविभागपलिच्छेया प० ? गोयमा ! अणंता अविभागपलिच्छेया प०। एवं सव्वजीवाणं जाव वेमाणियाणं पुच्छा ? गोयमा ! अता अविभागपलिच्छेया प० एवं जहा णाणावरणिज्जस्स अविभागपलिच्छेया भणिया तहा अट्टण्हवि कम्मपयडीणं भाणियव्वा जाव वेमाणियाणं अंतराइयस्स। एगमेगस्स णं भंते ! जीवस्स एगमेगे जीवपएसे णाणावरणिज्जस्स कम्मस्स केवइएहि अविभागपलिच्छेएहि आवेढिय परिवेढिए ? गोयमा ! सिय आवेढिय. परिवेढिए सिय णो आवेढियपरिवेढिए, जइ आवेढियपरिवेढिए णियमा अणं. तेहिं / एगमेगस्स णं भंते ! णेरइयस्स एगमेगे जीवपएसे णाणावरणिज्जस्स कम्मस्स केवइएहि अविभागपलिच्छेएहि आवेढिय परिवेढिए ? गोयमा ! णियमं अणंतेहिं, जहा गैरइयस्स एवं जाव वेमाणियस्स, णवरं मणूसस्स जहा जीवस्स / एगस्स णं भंते ! जीवस्स एगमेगे जीवपएसे दरिसणावरणिज्जस्स कम्मस्स केवइएहिं० एवं जहेव णाणावरणिज्जस्स तहेव दंडगो भाणि.
