________________ भगवई स. 8 उ. 10 635 मणुक्कोसा वा जस्स पुण उक्कोसिया चरित्ताराहणा तस्स दंसणाराहणा णियमा उक्कोसा / उक्कोसियं णं भंते ! णाणाराहणं आराहेत्ता कई हिं भवग्गहणेहि सिज्झइ जाव अंतं करेइ ? गोयमा ! अत्थेगइए तेणेव भवग्गहणेणं सिज्झइ जाव अंतं करेइ अत्थेगइए दोच्चेणं भवग्गहणेणं सिज्झइ जाव अंतं करेइ, अत्थेगइए कप्पोवएसु वा कप्पाईएसु वा उववज्जइ / उक्कोसियं णं भंते ! दंसणाराहणं आराहेत्ता कहिं भवग्गहहिं सिज्झइ जाव अंतं करेइ ? एवं चेव / उक्कोसियं णं भंते ! चरिताराहणं आराहेत्ता * ? एवं चेव णवरं अत्थेगइए कप्पाईएसु उववज्जइ / मज्झिमियं गं भंते ! णाणाराहणं आराहेता कईहिं भवग्गहणेहि सिज्झइ जाव अंतं करेइ ? गोयमा ! अत्थेगइए दोच्चेणं भवग्गहणेणं सिज्झइ जाव अंतं करेइ तच्चं पुण भवग्गहणं णाइक्कमइ / मज्झिम्मियं णं भंते ! दंसणाराहणं आराहेत्ता० एवं चेव, एवं मज्झिमियं चरिताराहणंपि / जहण्णियण्णं भंते ! जाणाराहणं आराहेत्ता काहिं भवग्गहणेहि सिज्झइ जाव अंतं करेइ ? गोयमा ! अत्थेगइए तच्चेणं भवग्गहणेणं सिज्झइ जाव अंतं करेइ सत्तभवग्गहणाई पुण णाइक्कमइ, एवं वंसणाराहणंपि, एवं चरिताराहणंपि // 354 // कइविहे णं भंते ! पोग्गलपरिणामे पण्णते ? गोयमा ! पंचविहे पोग्गलपरिणामे पण्णत्ते, तंजहा-वण्णपरिणामे 1 गंधप० 2 रसप० 3 फासप० 4 संठाणप०.५ / वण्णपरिणामे गं भंते ! कइविहे पण्णते ? गोयमा! पंचविहे पण्णत्ते, तंजहा-कालवण्णपरिणामे जाव सुक्किल्लवण्णपरिणामे, एवं एएणं अभिलावेणं गंधपरिणामे दुविहे, रसपरिणामे पंचविहे, फासपरिणामे अट्ठविहे / संठाणपरिणामे गं भंते ! कइविहे पण्णत्ते ? गोयमा ! पंचविहे पण्णत्ते, तंजहा-परिमंडलसंठाणपरिणामे जाव आययसंठाणपरिणामे // 35 // एगे भंते ! पोग्गलत्थिकायपएसे कि दव्वं 1 दव्वदेसे 2 दवाई 3 दव्वदेसा 4 उदाह दव्वं च दव्वदेसे य 5 उदाहु दव्वं च दव्वदेसा य 6 उदाहु दव्वाई च दव्वदेसे य 7 उदाहु दवाइं च दव्वदेसा य 8 ? गोयमा ! सिय दव्वं सिय दव्वदेसे णो दवाई णो दव्वदेसा णो दव्वं च दव्वदेसे य जाव णो दव्वाइं च दव्वदेसा य / दो भंते ! पोग्गलत्थिकायपएसा कि दव्वं दव्वदेसे ? पुच्छा तहेव, . गोयमा ! सिय दवं 1 सिय दव्वदेसे 2 सिय दव्वाइं 3 सिय दव्वदेसा 4 सिय
