________________ भगवई स. 8 उ. 10 633 तेयगस्स कम्मगस्स य जहेव ओरालिएणं समं भणियं तहेव भाणियन्वं जाव देसबंधए णो सव्वबंधए / जस्स णं भंते ! वेउब्वियसरीरस्स देसबंधे से णं भंते ! ओरालियसरीरस्स कि बंधए अबंधए ? गोयमा ! णो बंधए, अबंधए एवं जहेव सव्वबंधणं भणियं तहेव देसबंधणवि भाणियव्वं जाव कम्मगस्स / जस्स गं भंते ! आहारगसरीरस्स सव्वबंधे से गं भंते ! ओरालियसरीरस्स कि बंधए अबंधए ? गोयमा ! णो बंधए अबंधए, एवं वेउव्वियस्सवि, तेयाकम्माणं जहेव ओरालिएणं समं भणियं तहेव भाणियव्वं / जस्स णं भंते ! आहारगसरीरस्स देसबंधे से णं भंते ! ओरालियसरीरस्स० एवं जहा आहारगसरीरस्स सव्वबंधेणं भणियं तहा देसबंधेवि भाणियव्वं जाव कम्मगस्स। जस्स णं भंते ! तेयासरीरस्स देसबंधे से णं भंते ! ओरालियसरीरस्स कि बंधए अबंधए ? गोयमा ! बंधए वा अबंधए वा, जइ बंधए कि देसबंधए सव्वबंधए ? गोयमा ! देसबंधए वा सव्वबंधए वा, वेउव्वियसरीरस्स कि बंधए अबंधए ? एवं चेव, एवं आहारगसरीरस्सवि, कम्मगसरीरस्स किं बंधए अबंधए ? गोयमा! बंधए णो अबंधए, जइ' बंधए कि देसबंधए सव्वबंधए ? गोयमा ! देसबंधए णो सव्वबंधए / जस्स णं भंते ! कम्मगसरीरस्स देसबंधे से गं भंते ! ओरा. लियसरीरस्स० जहा तेयगस्स वत्तव्वया भणिया तहा कम्मगस्सवि भाणियव्वा जाव तेयासरीरस्स. जाव देसबंधए णो सव्वबंधए // 351 // एएसि णं भंते ! सटवजीवाणं ओरालियवेउब्वियआहारगतेयाकम्मासरीरगाणं देसबंधगाणं सव्व. बंधगाणं अबंधगाण य कयरे 2 जाव विसेसाहिया वा ? गोयमा ! सव्वत्थोवा जीवा आहारगसरीरस्स सव्वबंधगा 1 तस्स चेव देसबंधगा संखेज्जगणा 2 वेउब्वियसरीरस्स सव्वबंधगा असंखेज्जगुणा 3 तस्स चेव देसबंधगा असंखेज्जगुणा 4 तेयाकम्मगाणं दुण्हवि तुल्ला अबंधगा अणंतगुणा 5 ओरालियसरीरस्स सव्वबंधगा अणंतगुणा 3 तस्स चेव अबंधगा विसेसाहिया 7 तस्स चेव देस. बंधगा असंखेज्जगणा 8 तेयाकम्मगाणं देसबंधगा विसेसाहिया 6 वेउव्वियसरीरस्स अबंधगा विसेसाहिया 10 आहारगसरीरस्स अबंधगा विसेसाहिया 11 / सेवं भंते ! 2 त्ति // 352 // ... अटुमं सयं दसमो उद्देसो रायगिहे णयरे जाव एवं वयासी-अण्णउत्थिया णं भंते ! एवमाइक्खंति
