________________ 632 अंग-पविट्ट सुत्ताणि विसंवायणाजोगेणं असुभणामकम्मा जाव पओगबंधे / उच्चागोयकम्मासरीरपुच्छा ? गोयमा ! जाइअमएणं, कुलअमएणं, बलअमएणं, रूवअमएणं, लवअमएणं सुयअमएणं, लाभअमएणं, इस्सरियअमएणं, उच्चागोयकम्मासरीर जात्र पओगबंधे। णीयागोयकम्मासरीरपुच्छा? गोयमा ! जाइमएणं, कुलमएणं, बलमएणं, जाव इस्सरियमएणं, णीयागोयकम्मासरीरं जाव पओगबंधे / अंतराइयकम्मासरीरपुच्छा? गोयमा! दाणंतराएणं, लाभंतराएणं, भोगंतराएणं, उवभोगं. तराएणं, वीरियंतराएणं, अंतराइयकम्मासरीरप्पओगणामाए कम्मस्स उदएणं, अंतराइयकम्मासरीरप्पओगबंधे। णाणावरणिज्जकम्मासरीरप्पओगबंधे गं भंते! कि देसबंधे सव्वबंधे ? गोयमा ! देसंबंधे णो सव्वबंधे, एवं जाव अंतराइय. कम्मा०। णाणावरणिज्जकम्मासरीरप्पओगबंधे णं भंते ! कालओ केवच्चिर होइ ? गोयमा! णाणा० दुविहे पण्णत्ते, तंजहा-अणाइए सपज्जवसिए अणा. इए अपज्जवसिए, एवं जहा तेयगस्स संचिट्ठणा तहेव एवं जाव अंतराइयकम्म. स्स / णाणावरणिज्जकम्मासरीरप्पओगबंधतरे णं भंते ! कालओ केवच्चिरं होइ ? गोयमा ! अणाइयस्स एवं जहा तेयगसरीरस्स अंतरं तहेव एवं जाव अंतराइयस्स / एएसि णं भंते ! जीवाणं णाणावरणिज्जस्स कम्मस्स देस बंध. गाणं अबंधगाण य कयरे 2 जाव अप्पाबहगं जहा तेयगस्स, एवं आउयवज्ज जाव अंतराइयस्स / आउयस्स पुच्छा ? गोयमा ! सम्वत्थोवा जीवा आउयस्स कम्मस्स देसबंधगा, अबंधगा संखेज्जगुणा 5 // 350 // जस्स णं भंते ! ओरालियसरीरस्स सव्वबंधे से णं भंते ! वेउब्वियसरीरस्स कि बंधए अबंधए? गोयमा ! णो बंधए अबंधए, आहारगसरीरस्स कि बंधए अबंधए ? गोयमा ! णो बंधए अबंधए, तेयासरीरस्स कि बंधए अबंधए ? गोयमा ! बंधए णो अबंधए, जइ बंधए कि देसबंधए सव्वबंधए ? गोयमा ! देसबंधए णो सव्वबंधए, कम्मासरीरस्स कि बंधए अबंधए ? जहेव तेयगस्स जाव देसबंधए णो सव्वबंधए / जस्स णं भंते ! ओरालियसरीरस्स देसबंधे से गं भंते ! वे उब्वियसरीरस्स कि बंधए अबंधए ? गोयमा ! णो बंधए अबंधए, एवं जहेव सव्वबंधेणं भणियं तहेव देसबंधेणवि भाणियव्वं जाव कम्मगस्स / जस्स णं भंते ? वेउव्वियसरीरस्स सव्वबंधे से णं भंते ! औरालियसरीस्स कि बंधए अबंधए ? गोयमा ! णो बंधए अबंधए, आहारगसरीरस्स एवं चेव
