________________ भगवई स. 8 उ. 8 617 एवं वयासी-णो खलु अज्जो ! अम्हे गम्ममाणे अगए वीइक्कमिज्जमाणे अवी. इक्कते रायगिहें जयरं जाव असंपत्ते, अम्हे णं अज्जो ! गम्ममाणे गए वीइ. कमिज्जमाणे वीइक्कते रायगिहं णयरं संपाविउकामे संपत्ते तुम्भे गं अप्पणा चेव गम्ममाणे अगए वीइक्कमिज्जमाणे अवीइक्कते रायगिहं णयरं जाव असंपत्ते। तए णं ते थेरा भगवंतो अण्णउत्थिए एवं पडिहणंति पडिहणित्ता गइप्पवाय. णामं अज्झयणं पण्णवइंसु // 336 // कइविहे णं भंते ! गइप्पवाए पण्णते ? गोयमा! पंचविहे गइप्पवाए पण्णत्ते, तंजहा-पयोगगई, ततगई, बंधणछेयणगई, उववायगई, विहायगई। एत्तो आरभ पयोगपयं शिरवसेसं भाणियव्वं, जाव सेत्तं विहायगई / सेवं भंते ! सेवं भंते ! ति // 337 // - अट्ठमं सयं अट्ठमो उद्देसो रायगिहे णयरे जाव एवं वयासी-गुरूणं भंते ! पडुच्च कइ पडिणीया पण्णत्ता ? गोयमा ! तओ पडिणीया पण्णता, तंजहा-आयरियपडिणीए, उवज्झायपडिणीए, थेरपडिणीए / गई णं भंते ! पडुच्च कइ पडिणीया पण्णत्ता ? गोयमा ! तओ. पडिणीया पण्णता, तंजहा-इहलोगपडिणीए, परलोगपडिणीए, दुहओलोगपडिणीए / समूहण्णं भंते ! पडुच्च कइ पडिणीया पण्णत्ता ? गोयमा ! तओ पडिणीया पण्णत्ता, तंजहा-कुलपडिणीए, गणपडिणीए, संघपडिणीए / अणुकंपं भंते ! पडुच्च पुच्छा ? गोयमा ! तओ पडिणीया पण्णता, तंजहा-तवस्सिपडिणीए, गिलाणपडिणीए, सेहपडिणीए / सुयण्णं भंते ! पडुच्च पुच्छा ? गोयमा ! तओ पडिणीया पण्णत्ता, तंजहासुत्तपडिणीए, अत्थपडिणीए, तदुभयपडिणीए / भावं णं भंते ! पडुच्च पुच्छा? गोयमा ! तओ पडिणीया पण्णत्ता, तंजहा-णाणपडिणीए, दंसणपडिणीए, चरित्तपडिणीए // 338 // कइविहे गं भंते ! ववहारे पण्णते? गोयमा ! पंचविहे ववहारे पण्णत्ते, तंजहा-आगमे, सुयं, आणा, धारणा, जीए। जहा से तत्थ आगमे सिया आगमेणं ववहारं पट्टवेज्जा, णो य से तत्थ आगमे सिया जहा से तत्थ सुए सिया सुएणं ववहारं पट्टवेज्जा, णो य से तत्थ सुए सिया जहा से तत्थ आणा सिया आणाए ववहारं पट्टवेज्जा, णो य से तत्थ आणा सिया जहा से तत्थ धारणा सिया धारणाए ववहारं पट्टवेज्जा, णो य से तत्थ
