________________ भगवई स. 8 उ. 7 615 अम्हे तिविहं तिविहेणं असंजयअविरय जाव एगंतबाला यावि भवामो ? तए गं ते अण्णउत्थिया ते थेरे भगवंते एवं वयासी-तुन्भे गं अज्जो ! अदिण्णं गेण्हह अदिण्णं भुंजह अदिणं साइज्जह, तए णं ते तुब्भे अदिणं गेहमाणा अर्दिण्णं भुंजमाणा अदिण्णं साइज्जमाणा तिविहं तिविहेणं असंजय. अविरय जाव एगंत बाला यावि भवह / तए णं ते थेरा भगवंतो ते अण्ण. उत्थिए एवं वयासी-केण कारणेणं अज्जो ? अम्हे अदिण्णं गेण्हामो अदिण्णं भुंजामो अदिण्णं साइज्जामो, जएणं अम्हे अदिण्णं गेण्हमाणा जाव अदिण्णं साइज्जमाणा तिविहं तिविहेणं असंजय जाव एगंतबाला यावि भवामो ? तए नं ते अण्णउत्थिया ते थेरे भगवंते एवं वयासी-तुम्हा गं अज्जो ! दिज्जमाणे अदिण्णे पडिग्गाहेज्जमाणे अपडिग्गहिए णिस्सिरिज्जमाणे अणिसिठे, तुब्भे गं अज्जो ! दिज्जमाणं पडिग्गहगं असंपत्तं एत्थ णं अंतरा केइ अवहरिज्जा, गाहावइस्स गं तं णो खलु तं तुम्भं तए णं तुब्भे अदिण्णं गेण्हह जाव अदिण्णं साइज्जह, तए णं तुब्भे अदिण्णं गेण्हमाणा जाव एगंतबाला यावि भवह / तए णं ते थेरा भगवंतो ते अण्णउत्थिए एवं वयासी-णो खलु अज्जो ! अम्हे अदिण्णं गिव्हामो अदिग्णं भुंजामो अदिणं साइज्जामो अम्हे णं अज्जो ! दिणं गेण्हामो दिण्णं भुंजामो दिण्णं साइज्जामो, तएणं अम्हे दिण्णं गेण्हमाणा दिणं धुंजमाणा दिण्णं साइज्जमाणा तिविहं तिविहेणं संजयविरयपडिहय जहा सतमसए जाव एगंतपंडिया यावि भवामो / तएणं ते अण्णउत्थिया ते थेरे भगवंते एवं वयासी-केण कारणेणं अज्जो ! तुम्हे दिण्णं गेण्हह जाव दिण्णं साइज्जह, जएणं तुम्भे दिण्णं गेहमीणा जाव एगंतपंडिया यावि भवह ? तएणं ते थेरा भगवंतो ते अण्णउत्थिए एवं वयासी-अम्हे णं अज्जो ! दिज्जमाणे दिण्णे पडिग्गाहेज्जमाणे पडिग्गहिए णिस्सिरिज्जमाणे णिसिट्ठे / अम्हे णं अज्जो ! दिज्जमाणं पडिग्गहगं असंपत्तं एत्थ णं अंतरा केइ अवहरेज्जा अम्हाणं तं णो खलु तं गाहावइस्स, तएणं अम्हे दिण्णं गेण्हामो दिण्णं भुंजामो दिण्णं साइज्जामो तएणं अम्हे दिण्णं गेण्हमाणा जाव दिण्णं साइज्जमाणा तिविहं तिविहेणं संजय जाव एगंतपंडिया यावि भवामो / तुब्भे णं अज्जो ! अप्पणा चेव तिविहं तिविहेणं असंजय जाव एगंतबाला यावि भवह / तए णं ते अण्णउत्थिया ते थेरे भगवंते एवं वयासी-केण कारणेणं अज्जो ! अम्हे
