________________ 614 अंग-पविट्ट सुत्ताणि भंते ! ओरालियसरीराओ कइकिरिया ? गोयमा ! सिय तिकिरिया जाव सिय अकिरिया / णेरइया गं भंते ! ओरालियसरीराओ कइकिरिया ? एवं एसोवि जहा पढमो दंडओ तहा भाणियव्वो, जाव वेमाणिया, णवरं मणुस्सा जहा जीवा / जीवा णं भंते ! ओरालियसरीरेहितो कइकिरिया ? गोयमा ! तिकिरियावि चउकिरियावि पंचकिरियावि अकिरियावि / णेरइया णं भंते ! ओरालियसरीरेहितो कइकिरिया ? गोयमा ! तिकिरियावि चउकिरियावि पंचकिरियावि एवं जाव वेमाणिया, णवरं मणुस्सा जहा जीवा। जीवे णं भंते ! वेउव्वियसरीराओ कइकिरिए ? गोयमा ! सिय तिकिरिए सिय चउकिरिए सिय अकिरिए। णेरइए णं भंते !. वेउब्वियसरीराओ कइकिरिए ? गोयमा ! सिय तिकिरिए सिय चउकिरिए एवं जाव वेमाणिए, णवरं मणुस्से जहा जीवे, एवं जहा ओरालियसरीरेणं चत्तारि दंडगा भणिया तहा वेउव्वियसरीरेणवि चत्तारि दंडगा भाणियव्वा, णवरं पंचमकिरिया ण भण्णइ, सेसं तं चेव, एवं जहा वेउब्वियं तहा आहारगंपि तेयगंपि कम्मगंपि भाणियव्वं, एक्केक्के चतारि दंडगा भाणियव्वा जाव वेमाणिया णं भंते ! कम्मगसरीरेहितो कइकिरिया ? गोयमा ! तिकिरियावि चउकिरियावि / सेवं भंते ! सेवं भंते ! त्ति // 33 // अट्ठमं सयं सत्तमो उद्देसो तेणं कालेणं 2 रायगिहे गयरे वण्णओ, गुणसिलए चेइए वण्णओ, जाव पुढविसिलावट्टओ, तस्स णं गुणसिलयस्स चेइयस्स अदूरसामते बहवे अण्णउत्थिया परिवसंति / तेणं कालेणं 2 समणे भगवं महावीरे आइगरे जाव समोसढे जाव परिसा पडिगया। तेणं कालेणं 2 समणस्स भगवओ महावीरस्स बहवे अंतेवासी थेरा भगवंतो जाइसंपण्णा कुलसंपण्णा जहा बिइयसए जाव जीवियासमरणभयविप्पमुक्का समणस्स भगवओ महावीरस्स अदूरसामंते उड्ढंजाण अहोसिरा झाणकोट्ठोवगया संजमेणं तवसा अप्पाणं भावमाणा विहरंति / तए णं ते अण्णउत्थिया जेणेव थेरा भगवंतो तेणेव उवागच्छंति 2 ता ते थेरे भगवंते एवं वयासी-तुब्भे गं अज्जो ! तिविहं तिविहेणं असंजय. अविरयअप्पडिहय जहा सत्तमसए बिइए उद्देसए जाव एगंतबाला यावि भवह / तए णं ते थेरा भगवंतो ते अण्णउत्थिए एवं वयासी-केण कारणेणं अज्जो !
