________________ भगवई स. 8 उ. 6 611 भाडीकम्मे, फोडीकम्मे, दंतवाणिज्जे, लक्खवाणिज्जे, केसवाणिज्जे, रसवाणिज्जे, विसवाणिज्जे, जंतपीलणकम्मे, जिल्लंछणकम्मे, दवग्गिदावणया, सरदहतलायपरिसोसणया, असईपोसणया, इच्चेए समणोवासगा सुक्का सुक्काभिजाइया भवित्ता कालमासे कालं किच्चा अण्णयरेसु देवलोएसु देवत्ताए उववत्तारो भवंति // 326 // कइविहा णं भंते ! देवलोगा पण्णत्ता ? गोयमा ! चउविहा देवलोगा 50, तंजहा-भवणवासिवाणमंतरजोइसवेमाणिया। सेवं भंते ! 2 ति // 330 // .. अट्ठमं सयं छट्ठो उद्देसो समणोवासयस्स णं भंते ! तहारूवं समणं वा माहणं वा फासुएसणिज्जेणं असणपाणखाइमसाइमेणं पडिलाभेमाणस्स कि कज्जइ ? गोयमा ! एगंतसो से णिज्जरा कज्जइ णत्थि य से पावे कम्मे कज्जइ / समणोवासयस्स णं भंते ! तहारूवं समणं वा माहणं वा अफासुएणं अणेसणिज्जेणं असणपाण जाव पडि. लाभमाणस्स कि कज्जइ ? गोयमा ! बहुतरिया से णिज्जरा कज्जइ अप्पतराए से पावे कम्मे कज्जइ। समणोवासयस्स णं भंते ! तहारूवं असंजयअविरयअपडिहयपच्चक्खायपावकम्मं फासुएण वा अफासुएण वा एसणिज्जेण वा अणेसणिज्जेण वा असणपाण जाव कि कज्जइ ? गोयमा ! एगंतसो से पावे कम्मे कज्जइ पत्थि से काइ णिज्जरा कज्जइ // 331 // णिग्गंथं च णं गाहावइकुलं पिंडवायपडियाए अणुप्पविढं केइ दोहिं पिडेहिं उवणिमंतेज्जा• एगं आउसो ! अप्पणा भुंजाहि एग थेराणं दलयाहि, से य तं पडिग्गाहेज्जा, थेरा य से अणगवेसियव्वा सिया जत्थेव अणगवेसमाणे थेरे पासिज्जा तत्थेव अणुप्पदायव्वे सिया णो चेव णं अणुगवेसमाणे थेरे पासिज्जा तं णो अप्पणा भुज्जेज्जा णो अण्णेसि दावए एगते अणावाए अचित्ते बहुफासुए थंडिल्ले पडि. लेहेत्ता पमज्जित्ता परिढावेयव्वे सिया। णिगंथं च णं गाहावइकुलं पिंडवाय. पडियाए अणुप्पविठं केइ तिहि पिडेहिं उवणिमंतेज्जा-एगं आउसो ! अप्पणा भंजाहि दो थेराणं दलयाहि, से य ते पडिग्गाहेज्जा, थेरा य से अणगवेसेयव्वा सेसं तं चेव जाव परिढावेयव्वे सिया, एवं जाव दहि पिडेहि उवणिमंतेज्जा णवरं एगं आउसो ! अप्पणा भुंजाहि णव थेराणं दलयाहि सेसं तं चेव जाव
