________________ भगवई स. 8 उ. 2 597 कयरे 2 हितो जाव विसेसाहिया वा ? गोयमा ! सव्वत्थोवा पोग्गला पओग. परिणया मीसापरिणया अगंतगुणा घीससापरिणया अगंतगुणा / सेबं भंते ! सेवं भंते ! त्ति // 314 // ___ अट्टमं सयं बीओ उद्देसो ___ कइविहा णं भंते ! आसोविसा पण्णत्ता ? गोयमा ! दुविहा आसीविसा पण्णत्ता, तंजहा-जाइआसीविसा य फम्मआसीविसा य / जाइआसोविसा गं भंते ! कइविहा प० ? गोयमा ! चउन्विहा प०, तंजहा-विच्छुयजाइआसी. विसे मंडुक्कजाइआसीविसे उरगजाइआसीविसे मणुस्सजाइआसीविसे / विच्छ्यजाइआसीविसस्स णं भंते ! केवइए विसए पण्णते ? गोयमा! पभू णं विच्छ्यजाइसीविसे अद्धभरहप्पमाणमेत्तं बोंदि विसेणं विसपरिगयं विसट्टमाणं पकरेत्तए, विसए से विसट्टयाए णो चेव णं संपत्तीए करेंसु वा करेंति वा करिस्संति वा 1 / मंडुक्कजाइआसीविसपुच्छा, गोयमा ! पभू णं मंडुक्कजाइआसीविसे भरहप्पमाणमेत्तं बोंदि विसेणं विसपरिगयं सेसं तं चेव जाव करेस्संति वा 2 / एवं उरगजाइआसीविसस्सवि णवरं जंबुद्दीवप्पमाणमेतं बोंदि विसेणं विसपरि. गयं सेसं तं चेव जाव करेस्संति वा 3, मणुस्सजाइआसीविसस्सवि एवं चेव गवरं समयखेत्तप्पमाणमेत्तं बोंदि विसेणं विसपरिगयं सेसं तं चेव जाव करेस्संति वा 4 / जइ कम्मआसीविसे कि गेरइयकम्मआसीविसे तिरिक्खजोणियकम्मआसी. विसे मणुस्सकम्मआसीविसे देवकम्मआसीविसे ? गोयमा ! णो णेरइयकम्मासीविसे तिरिक्खजोणियकम्मासीविसेवि मणुस्सकम्मा० देवकम्मासी०, जइ तिरिक्खजोणियकम्मासीविसे कि एगिदियतिरिक्खजोणियकम्मासीविसे जाव चिदियतिरिक्ख जोणियकम्मासीविसे ? गोयमा ! णो एगिदियतिरिक्ख. जोणियकम्मासीविसे जाव णो चरिदियतिरिक्खजोणियकम्मासीविसे, पाँचदियतिरिक्ख जोणियकम्मासीविसे / जइ पंचिदियतिरिक्खजोणियकम्मासीविसे कि समुच्छिमपंचिदियतिरिक्खजोणियकम्मासीविसे गब्भवक्फतियपंचिदियतिरिक्खजोणियकम्मासीविसे ? एवं जहा वेउब्वियसरीरस्स भेओ जाव पज्जत्तासंखेज्जवासाउयगम्भवक्कंतियपंचिदियतिरिक्खजोणियकम्मासीविसे णो अपज्जत्तासंखेज्जवासाउय जाव कम्मासीविसे। जइ मणुस्सकम्मासीविसे कि समुच्छिममणुस्सकम्मासीविसे गम्भवक्कंतियमणुस्सकम्मासीविसे ? गोयमा ! णो संमु.
