________________ 596 अंग-पविट्ट सुत्ताणि मीससापरिणए 3 अहवा दो पओगप० एगे वीससाप० 4 अहवा एगे मीसापरिगए दो वीससाप० 5 अहवा दो मीससाप० एगे वीससाप० 6 अहवा एगे पओ. गप० एगे मीसापरि० एगे वीससाप० 7 / जइ पओगप० किं मणप्पओगपरिणया वइप्पओगप० कायप्पओगप० ? गोयमा ! मणप्पओगपरिणया वा एवं एक्कगसंजोगो दुयासंजोगो तियासंजोगो भाणियव्वो / जइ मणप्पओगपरिः किं सच्चमणप्पओगपरिणया 4 ? गोयमा ! सच्चमणप्पओगपरिणया वा जाव असच्चामोसमणप्पओगपरिणया वा 4, अहवा एगे सच्चमणप्पओगपरिणए दो मोसमणप्पओगपरिणयावा, एवं दुयासंजोगो तियासंजोगो भाणियव्वो, एत्थवि तहेव जाव अहवा एगे तंससंठीणपरिणए वा एगे चउरंससंठाणपरिणए वा एगे आययसंठाणपरिणए वा / चत्तारि भंते ! ,दव्वा कि पओगपरिणया 3 ? गोयमा ! पओगपरिणया वा मीसापरिणया वा वीससापरिणया वा, अहवा एगे पओगपरिणए तिणि मीसापरिणया 1 अहवा एगे पओगपरिणए तिणि वीससापरिणया 2 अहवा दो पओगपरिणया दो मीसापरिणया 3 अहवा दो पओगपरिणया दो वीससापरिणया 4 अहवा तिण्णि पओगपरिणया एगे मीससापरिणए 5 अहवा तिण्णि पओगपरिणया एगे वीससापरिणए 6 अहवा एगे मीससापरिणए तिण्णि वीससापरिणया 7 अहवा दो मीसापरिणया दो वीससापरिणया 8 अहवा तिण्णि मीसापरिणया एगे वीससापरिणए 6 अहवा एगे पओगपरिणए एगे मीसा परिणए दो वीससा परिणया 1 अहवा एगे पओगपरिणए दो मीसापरिणया एगे वीससापरिणए 2 अहवा दो पओगपरिगया एगे मीसापरिणए एगे वीससापरिणए 3 / जइ पओगपरिणया कि मणप्पओगपरिणया 3? एवं एएणं कमेणं पंच छ सत्त जाव दस संखेज्जा असंखेज्जा अणंता य दव्वा भाणियव्वा दुयासंजोएणं तियासंजोएणं जाव दससंजोएणं बारससंजोएणं उवजंजिऊणं जत्थ जत्तिया संजोगा उठेति ते सव्वे भाणियव्वा, एए पुण जहा णवमसए पवेसणए भणिहामो तहा उवजुंजिऊण भाणियव्वा जाव असंखेज्जा अणंता एवं चेव, णवरं एक्कं पयं अब्भहियं, जाव अहवा अणता परिमंडलसंठाणपरिणया जाव अणंता आययसंठाणपरिणया // 313 // एएसि णं भंते ! पोग्गलाणं पओगपरिणयाणं मीसापरिणयाणं वीससापरिणयाणं य
