________________ भगवई स. 7 उ. 10 583 जाव परूवेइ-एवं खलु देवाणुप्पिया ! बहवे मणुस्सा जाव उववत्तारो भवंति // 302 // वरुणे णं भंते ! णागणत्तुए कालमासे कालं किच्चा कहिं गए कहिं उववणे ? गोयमा ! सोहम्मे कप्पे अरुणाभे विमाणे देवत्ताए उववण्णे, तत्थ णं अत्थेगइयाणं देवाणं चत्तारि पलिओवमाई ठिई पण्णता, तत्थ णं वरुणस्स वि देवस्स चत्तारि पलिओवमाइं ठिई पण्णत्ता / से गं भंते ! वरुणे देवे ताओ देवलोगाओ आउक्खएणं भवक्खएणं ठिइक्खएणं जाव महाविदेहे वासे सिज्झिहिइ जाव अंतं करेहिइ / वरुणस्स णं भंते ! णागणत्यस्स पियबालवयंसए कालमासे कालं किच्चा कहिं गए कहिं उववण्णे? गोयमा ! सुकुले पच्चायाए। से णं भंते ! तओहितो अणंतरं उबट्टित्ता कहिं गच्छिहिइ कहि उववज्जिहिइ ? गोयमा ! महाविदेहे वासे सिज्जिहिइ जाव अंतं काहिइ / सेवं भंते ! सेवं भंते ! ति // 303 // सत्तमं सयं दसमो उद्देसो तेणं कालेणं तेणं समएणं रायगिहे णाम णयरे होत्था वण्णओ, गुणसिलए चेइए वण्णओ, जाव पुढविसिलापट्टओ वण्णओ। तस्स णं गुणसिलयस्स चेइयस्स अदूरसामंते बहवे अण्णउत्थिया परिवसंति, तंजहा-कालोयाई सेलोयाई सेवालोयाई उदए णामुदए णम्मदए अण्णवालए सेलवालए संखवालए सुहत्थी गाहावई / तए णं तेसि अण्णउत्थियाणं अण्णया कयाइं एगयओ समु. वागयाणं सणिविट्ठाणं सण्णिसण्णाणं अयमेयारूवे मिहो कहासमुल्लावे सम. प्पज्जित्था-एवं खलु समणे णायपुत्ते पंचं अस्थिकाए पण्णबेइ, तंजहा-धम्मस्थिकायं जाव आगासस्थिकायं, तत्थ णं समणे णायपुत्ते चत्तारि अस्थिकाए अजीवकाए पण्णवेइ, तंजहा-धम्मस्थिकायं अधम्मत्थिकायं आगासथिकायं, पोग्गलत्थिकायं, एगं च णं समणे णायपुत्ते जीवत्थिकायं अरूविकायं जीवकायं पण्णवेइ, तत्थ णं समणे णायपुत्ते चत्तारि अस्थिकाए अरूविकाए पण्णवेइ, तंजहा-धम्मत्थिकायं अधम्मत्थिकायं आगासत्थिकायं जीवस्थिकायं, एगं च णं समणे णायपुत्ते पोग्गलत्थिकायं रूविकायं अजीवकायं पण्णवेइ, से कहमेयं मण्णे एवं ? तेणं कालेणं तेणं समएणं समणे भगवं महावीरे जाव गुणसिलए चेइए समोसढे जाव परिसा पडिगया / तेणं कालेणं तेणं समएणं समणस्स
