________________ भगवई स. 7 उ. 8 577 अस्थि / कहण्णं भंते ! पभूवि अकामणिकरणं वेयणं वेदेति? गोयमा ! जे गं जो पभू विणा पइवेणं अंधकारंसि रूवाइं पासित्तए जेणं णो पभू पुरओ रूवाई अणिज्झाइत्ता गं पासित्तए जे णं णो पभू मग्गओ रूवाइं अणवयक्खित्ता गं पासित्तए जे णं णो पभ पासओ रूवाई अणवलोइत्ता गं पासित्तए जे णं णो पभू उड्ढं रूवाइं अणालोएत्ता गं पासित्तए जे णं णो पभू अहे रूवाइं अणा. लोएता णं पासित्तए एस णं गोयमा ! पभूवि अकामणिकरणं वेयणं वेदेति / अत्थि णं भंते ! पवि पकामणिकरणं वेयणं वेदेति ? हंता ! अस्थि / कहाणं भंते ! पभवि पकामणिकरणं वेयणं वेदेति ? गोयमा ! जे णं णो पभू सम. दृस्स पारंगमित्तए जेणं णो पभ समहस्स पारगयाई रूवाई पासित्तए जेणं णो पभ देवलोगं गमित्तए जे णं णो पभू देवलोगगयाई रूवाइं पासित्तए एस णं गोयमा ! पवि पकामणिकरणं वेयणं वेदेति / सेवं भंते ! सेवं भंते ! त्ति // 26 // सत्तमं सयं अट्ठमो उद्देसो छउमत्थे णं भंते ! मणूसे तीयमणंत सासयं समयं केवलेणं संजमेणं एवं जहा पढमसए चउत्थे उद्देसए लहा भाणियव्वं जाव अलमत्थु० // 262 // से गुणं भंते ! हथिस्स य कुंथुस्स य समे चेव जीवे ? हंता गोयमा ! हथिस्स य कुंथस्स य एवं जहा रायप्पसेणइज्जे जाव खुड्डियं वा महालियं वा से तेण. ठेणं गोयमा ! जाव समे चेव जीवे ॥२९३॥णेरइयाणं भंते ! पावे कम्मे जे य कडे जे य कज्जइ जे य कज्जिस्सइ सव्वे से दुक्खे जे णिज्जिण्णे से सुहे ? हंता गोयमा ! गैरइयाणं पावे कम्मे जाव सुहे, एवं जाव वेमाणियाणं // 264 // कइ णं भंते ! सण्णाओ पण्णताओ ? गोयमा ! दस सण्णाओ, पण्णत्ताओ, तंजहा-आहारसण्णा 1 भयसण्णा 2 मेहुणसण्णा 3 परिग्गहसण्णा 4. कोह. सण्णा 5 माणसण्णा 6 मायासण्णा 7 लोभसण्णा 8 लोगसण्णा 6 ओहसण्णा 10, एवं जाव वेमाणियाणं / रइया दसविहं वेयणं पच्चणुभवमाणा विहरंति, तंजहा-सीयं उसिणं खुहं पिवासं कंडं परज्झं जरं दाहं भयं सोगं // 26 // से णणं भंते ! हथिस्स य कुंथुस्स य समा चेव अपच्चक्खाणकिरिया कज्जइ ? हंता गोयमा ! हत्थिस्स य कुंथुस्स य जाव कज्जइ / से केणठेणं भंते ! एवं वुच्चइ जाव कज्जइ ? गोयमा ! अविरई पडुच्च, से तेणठेणं
